Franca u mposht në finalen e Kupës së Botës nga Argjentina vetëm pas ekzekutimit të penalltive.
E trishtë ishte disfata për francezët, derisa edhe më shumë për yllin e tyre, Kylian Mbappe-n, i cili shënoi tre gola në barazimin 3:3.
Pas ndeshjes, shkoi për ta ngushëlluar Mbappe-n vetë presidenti i Francës, Emmanuel Macron, i cili e uroi shtetin e tij për paraqitjen në Botëror dhe tregoi fjalët që foli me Mbappe-n.
“Ishim shumë larg Argjentinës në fundin e pjesës së parë dhe përmbysje të tilla janë shumë të vështira”, ka thënë i pari i shtetit francez.
“Megjithatë, ia dolëm deri diku, ajo që arriti Mbappe me shokët e skuadrës është diçka e jashtëzakonshme”, shtoi Macron.
“Mbappe është një lojtar i madh, i thashë se është vetëm 24-vjeç. U shpall golashënuesi më i mirë dhe mos të harrojmë se ai e ka një Botëror të fituar”.
View this post on Instagram
“Tani luajti një tjetër finale, isha i trishtuar aq sa edhe ai, por i theksova se i bëri të gjithë krenar. Në fund, humbëm një ndeshje futbolli, por i shkuam shumë pranë. Kështu funksionon futbolli”, u shpreh Macron.
Kujtojmë që Franca arriti t’i bënte dy rikthime në këtë ndeshje. Fillimisht barazuan në kohën e rregullut nga 2:0 në 2:2 pas minutës së 80-të, ku Mbappe shënoi dy gola brenda 97 sekondave.
Ndeshja shkoi në vazhdime dhe edhe aty Argjentina kaloi e para në epërsi, por francezët përsëri barazuan dy minuta nga fundi dhe në penallti ata humbën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Kryemadhi mesazh Metës para mbledhjes: Çdo përjashtim është mbyllje e partisë, hiq dorë nga përjashtimet
-
Çmimi i naftës rritet pas goditjes raketore të Izraelit ndaj Iranit
-
Kalaja e Kaçanikut – Përplasja nëpër gjykata e vë në rrezik ekzistencën e një prej objekteve më të rëndësishme të Shekullit 16
