Futbollisti i Interit, Romelu Lukaku dhe disa shokë të tij të skuadrës, kanë hyrë në telashe serioze për shkak të thyerjes së rregullave për parandalimin e përhapjes së pandemisë.
Policia italiane kanë ndërhyrë në një hotel, në qendër të Milanos, mbëmjen e së mërkures, ku po zhvillohej festa e ditëlindjes së sulmuesit belg, i cili mbush 28 vjeç.
Lukaku ishte në këtë festë me 23 persona të tjerë, që menjëherë pas ndeshjes me Romën që e fituan me rezultat 3:1, shkuan për ta festuar ditëlindjen e tij.
Ngjarja ndodhi rreth orës tre të mëngjesit dhe policia italiane ndërhyri menjëherë, pasi kishte marrë një telefonatë për festën që ishte duke u zhvilluar në atë hotel.
Përveç Lukakut, janë identifikuar edhe 23 persona të tjerë, mes të cilëve disa lojtarë të Interit dhe menaxheri i hotelit “Square Milano Duomo“, i cili organizoi festën.
Hoteli por edhe pjesëmarrësit në ditëlindjen e Lukakut do të ndëshkohen për arsye të ndryshme, për shkeljen e legjislacionit për parandalimin e përhapjes së Koronavirusit, shpjegoi policia italiane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Beleri dhe Goro në burg – Blerina Bala komandohet drejtuese e re e bashkisë Himarë
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
Raportohet se BE po përgatit pozitë të re për Lajçak-un