Në kushte të pazakonta, zhvillohet finalja e dytë e Kupës së Mbretit në Spanjë brenda vetëm dy javësh.
Njëra skuadër luan përsëri, në tentativën e dytë brenda dy javëve për të fituar këtë titull.
Kurse tjetra, kthehet pas dy vitesh, në tentativë për të lënë pas humbjen e finales së vitit 2019.
Në “La Cartuja” të Sevilla-s, Athletic Bilbao dhe Barcelona ndeshin brinjët në finalen e Kupës së Mbretit.
Katalunasit mbajnë rekordin për më shumë tituj në këtë kompeticion, plot 30, kurse Athletic vjen e dyta, me 23.
Barcelona luan finalen e saj numër 42 sonte, duke tentuar që të lërë pas humbjen në finalen e vitit 2019 përballë Valencia-s.
Ishte pikërisht trajneri i Athletic Club, Marcelino, ai që ua shkaktoi humbjen katalunasve.
Bilbao, pas humbjes dy javë më parë në finalen përballë Sociedad-it, kërkon fitoren kundër Barcelonës në një tjetër finale këtë sezon.
Baskët arritën që më herët këtë sezon, në finalen e Superkupës ta rrëzonin Barcën me rezultat 3-2 pas 120 minutave lojë.
Dy trajnerët vijnë në këtë ndeshje me mungesa.
Te Koeman mungojnë Coutinho, Fati dhe Neto, kurse Marcelino vjen pa shërbimet e Alvarez, Berchiche, Nolaskoain dhe Zarraga.
Ndeshja fillon në orën 21:30, pa prezencën e tifozëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë RAI-n
