Ish-legjenda botërore e boksit, Luan Krasniqi, ka reaguar pas ndeshjes që bashkëkombësi i tij, Robin Haxhi Krasniqi, e humbi përballë gjermanit Domenic Boesel.
Ish-kampioni kosovar, përmes një postimi në profilin e tij në Facebook, ka komentuar ndeshjet e mbrëmshme të boksit, duke thënë se Robini meritoi më shumë fitoren në ndeshjen e tij.
“Robin Krasniqi dhe Dominic Boesel treguan një luftë emocionuese”, shkruan fillimisht Luan Krasniqi.
“Më pas u diskutua rezultati për Boesel. Unë e kuptoj këtë. Edhe unë e pash Robin Krasniqin para, sipas mendimit tim ishte boksier më i mirë”, shtoi ai.
“Mendoj se meçi i tretë mes tyre do të ishte zgjidhja më e mirë”, ka shkruar Krasniqi në profilin e tij privat në Facebook.
Sa i përket ndeshjes mes Krasniqit dhe Boesel, kosovari e humbi përballjen pas 12 raundeve, me vendimin e gjyqtarëve, luftë kjo e vlefshme për titullin e botës në versionin IBO të kategorisë gjysmë të rëndë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Sveçla: Zv\drejtori i Policisë është dërguar në paraburgim në Rashkë për “prishje të rendit kushtetues të Serbisë”
-
Sulmet ndaj gjyqësorit nuk janë të denja për demokracinë, thotë ambasadori i BE-së
-
Mes Bashar al-Assad dhe Iranit, përçarja po thellohet
-
SHBA: Shpresojmë të arrihet një marrëveshje për çështjen e dinarit, s’e vëmë në dyshim autoritetin e BQK-së
