Lëvizja Socialiste për Integrim (LSI) akuzoi organet e reja të drejtësisë se po mbrojnë qëllimisht Partinë Socialiste duke kryer një hetim të njëanshëm për dosjen 184 duke ngritur akuza dhe për deklaratat e ambasadorëve.
“SPAK-u është sot kaq mbrapa dhe zhgënjyes dhe s’ka asnjë krahasim me Prokurorinë e dikurshme të Krimeve të Rënda. Prokuroria e Re është shndërruar në një mbyllëse e palodhur çështjesh dhe justifikuese e qeverisë më e zellshme se qeveria vetë”, shkruan nënkryetari i LSI-së, Petrit Vasili në median sociale Facebook.
Vasili shprehu indinjatën për deklaratat e ambasadorëve në Shqipëri në raport me dosjen 184.
“Zhgënjimin ndaj Drejtesisë së Re nuk e mbulon dot asnjë deklaratë propagandistike Ambasadorësh, të cilët për të justifikuar miliona euro të hedhura dëm, duan me një insisistim qesharak të shesin kallpin per flori”, tha ai.
Dosja 184, e njohur edhe si dosja e vjedhjes dhe shit-blerjes së votave denonconte zgjedhjet e vitit 2016, në Dibër. Kjo dosje u denoncua nga kryetari i Partisë Demokratike, Lulzim Basha.
Në përgjime përfshihen edhe deputetë socialistë në biseda me policinë, biznesmenë, persona të dyshimtë dhe të tjerë të paidentifikuar, të cilët janë marrë me shit-blerjen e votave në mënyrë të paligjshme në zgjedhjet e vitit 2016, në Dibër. Në këtë dosje gjenden edhe përgjime të deputetëve Damian Gjiknuri si edhe të Artan Gaçit, i cili askohohe ishte deputet dhe ndër të tjera bashkëshort i ministres së mbrojtes Olta Xhaçka.
Prokuroria ngriti akuza mbi katër persona për “shpërdorim detyre” dhe “kanosje të zgjedhësve”, ndërkohë që për pjesën tjetër të personave nën hetim kërkoi pushimin e çështjes për shkak të tejkalimit të afatit trevjeçar nga prokuroria e Dibrës.
Që prej muajit korrik, në 2019-ën, dosja 184 kaloi si boomerang nga Prokuroria e Dibrës në Prokurorinë e Tiranës, më pas në Prokurorinë e Krimeve të Rënda Tiranë dhe në Strukturën e Posaçme kundër Korrupsionit dhe Krimit të Organizuar (SPAK), ku kjo e fundit nuk pranoi ta shqyrtonte duke ia kaluar sërish në kompetencë Prokurorisë së Dibrës. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve