Është suedezja Loreen fituesja e festivalit më të madh muzikor kontinental për vitin 2023, me një rikthim të fuqishëm falë baladës së saj elektronike “Tattoo”, duke përsëritur kështu edhe suksesin që arriti në Eurovision 2012 me këngën “Euphoria”.
Loreen në këtë formë bëhet edhe e para artiste femër, e cila fiton për më shumë se një herë festivalin e madh evropian të këngës.
Në vend të dytë, në një përmbyllje të tensionuar për nga emocionet të natës finale, u radhit artisti finlandez Kaarija me këngën e tij “Cha Cha Cha”, i cili pavarësisht se nuk e riktheu dot trofeun në vendin nordik, rezultoi të ishte muzikanti më i pëlqyer nga publiku votues.
Albina Kelmendi dhe familja e saj, të cilët përfaqësuan Shqipërinë ndërkohë, kanë arritur të renditen vetëm në vendin e 22-ë në garë, duke treguar edhe një herë se Shqipëria është larg ditëve të saja më të mira sa i takon muzikës në rangje të larta.
Treshen e podiumit, e plotësoi izraelitja sensuale Noa Kirel, e cila ishte po ashtu një prej të preferuarave të publikut të gjerë.
Një zhgënjim tërësor ka qenë ai i Britanisë së Madhe organizatore, e cila vetëm e 25-a u rendit, duke vërtetuar ngërçin e të mëdhave të Eurovision, prej të cilave më e qëndrueshmja ka qenë Italia ndër vite.
Pavarësisht kësaj, ishullorët e faktuan se kur vjen puna te organizimi i spektakleve të përmasave të tilla, pakkush ka aftësinë t’i realizojë si ata, me një moderim dhe atmosferë për t’u pasur zili nga bota mbarë.
Suedia ndërkohë, me fitoren e shtatë tashmë në Eurovision, barazon edhe rekordin e të gjitha kohërave, të cilin më parë e mbante të mbërthyer e vetme në krye Irlanda e Veriut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Debate në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Trafikonin kanabis nga SHBA-të në Shqipëri me postë, 2 në pranga
-
Shënjestrimi i inflacionit dhe kursi i lirë i këmbimit po funksionojnë, thotë Sejko
-
Në hetim nga Gjermania për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut
Lajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Debate në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
Raportohet se BE po përgatit pozitë të re për Lajçak-un