Lojtarët që fituan një Botëror pa luajtur asnjë minutë

Të qenit fitues i Kupës së Botës është ëndrra e çdo lojtari pasi fitimi i një Botërori është kulmi i karrierës së një futbollisti.

Por, për disa nga ata që mund të mburren me fitimin e Kupës së Botës, gjembi në këmbë do të jetë se ata nuk luajtën asnjë minutë në vetë turneun.

Deri më tani, 101 lojtarë kanë fituar Kupën e Botës ndër vite pa luajtur asnjë minutë.

Ka kuptim që 33 nga 101 anëtarët e këtij “klubi” janë portierë, por ka edhe 32 mbrojtës, 18 mesfushorë dhe 18 sulmues.

Ronaldo Nazario është një prej tyre, pasi ai ishte një anëtar 17-vjeçar i ekipit fitues të Brazilit në vitin 1994.

Për Spanjën, portierët Pepe Reina dhe Victor Valdes dhe mbrojtësi Raul Albiol fituan Kupën e Botës me Spanjën në Afrikën e Jugut 2010. Ata ishin të vetmit lojtarë që nuk u përdorën nga Vicente del Bosque.

Nëse fitimi i një Botërori është i vështirë, të jesh dy herë kampion është edhe më i ndërlikuar. Është edhe më e jashtëzakonshme ta bësh atë pa luajtur në asnjë rast.

Epo, kjo është ajo që Alphonse Areola mund të arrijë këtë të diel. Portieri i West Ham ishte pjesë e skuadrës së Francës që fitoi Kupën e dytë të Botës në Rusi 2018, duke ndjekur çdo ndeshje nga stoli. Dhe nëse Les Bleus fiton përsëri, ai do të bëhet kampioni i parë dy herë francez pa luajtur në një Kupë Bote.

Edhe pse mund të duket e çuditshme, rasti i Areolës nuk do të ishte i pari. Portieri Guido Masetti, i cili kaloi pjesën më të madhe të karrierës së tij me Romën, ishte anëtar i skuadrave fituese të Italisë të viteve 1934 dhe 1938.

U deshën 24 vjet për të gjetur më shumë lojtarë për të përsëritur këtë sukses pas Masettit, dhe ishte një tjetër portier, legjenda e Fluminense, Carlos Jose Castilho, që arriti lavdinë me Brazilin në 1958 dhe 1962 pa debutuar në asnjërin kampionat.

Një bashkëlojtar i tij në skuadrën fituese të Canarinha-s në ato dy Kupat e Botës, Jose Macia, i njohur më mirë si Pepe, ka gjithashtu dy Kupa Bote në emër të tij, në 1958 dhe 1962, pa luajtur asnjë ndeshje të vetme.

Pepe është i vetmi lojtar jashtë fushës që ka fituar dy Kupa Botërore pa luajtur asnjë minutë.

Si trajneri i Argjentinës, Lionel Scaloni, ashtu edhe trajneri i Francës, Didier Deschamps, kanë përdorur 24 nga 26 lojtarët e tyre të thirrur për Katar 2022.

Geronimo Rulli dhe Franco Armani të Argjentinës dhe Alphonse Areola e Karim Benzema të Francës mund t’i bashkohen këtij klubi ekskluziv të kampionëve pa paraqitje kur La Albiceleste ose Les Bleus të fitojnë finalen e së dielës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.