Lista Serbe vazhdon të ankohet – flet me nënsekretarin e OKB-së për “represionin e ushtruar” ndaj serbëve
Lista Serbe, këtë të shtunë, ka takuar nënsekretarin e Përgjithshëm të Organizatës së Kombeve të Bashkuara për Operacionet e Paqes, Jean-Perre Lacroix dhe shefen e Misionit të OKB-së në Kosovë (UNMIK) Caroline Ziadeh.
Siç rëndon ndodh përfaqësuesit e kësaj Liste i janë ankuar të dërguarve të OKB-së, për siç po pretendojnë ata, “represionin e ushtruar” ndaj serbëve nga ana e Qeverisë së Kosovës.
Në këtë takim Lista Serbe ka nënvizuar, gjithmonë sipas tyre, rrezikun real të lëvizjeve të njëanshme të Qeverisë së Kosovës.
“Po dëshirojnë të hyjnë dhunshëm në ndërtesat e komunave serbe në Veri të Kosovës duke rrezikuar paqen në këtë vend. Ne jemi për paqe dhe dialogu është mënyra e vetme për zgjidhjen e të gjitha çështjeve të hapura. Është përgjegjësi e bashkësisë ndërkombëtare të ruaj paqen dhe të parandalojë lëvizjet e njëanshme të Qeverisë së Kosovës”, thuhet në komunikatën e lëshuar pas takimit.
Ndryshe nënsekretari e OKB-së, , Jean-Perre Lacroix, e ka pritur në takim gjatë ditës edhe presidentja e Kosovës, Vjosa Osmani, me të cilin ndër të tjera ka biseduar për dialogun Kosovë-Serbi.
“Presidentja Osmani ritheksoi se Kosova vazhdon të jetë palë konstruktive në këtë proces dhe e përkushtuar për paqe dhe stabilitet afatgjatë në rajon”, thuhet në njoftimin e presidencës.
Ndërsa Lista Serbe është takuar sot me nënsekretarin e OKB-së, kryetari i kësaj Liste, Goran Rakiç, ka bërë të ditur se po qëndron në vizitë zyrtare në Kinë, si pjesë e delegacionit të Serbisë.
“Delegacioni i Republikës së Serbisë në vizitë zyrtare në Republikën Popullore të Kinës dhe Partinë Komuniste kineze. Rroftë miqësia e çeliktë serbo – kineze”, ka shkruar Rakiç në Facebook, derisa ka shtuar edhe disa fotografi nga kjo vizitë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama reagon për dokumentarin e Rai 3: Emision me shpifje, u skandalizova nga qasja kriminale
-
Mbledhja e Komisionit të Shëndetësisë zhvillohet me përplasje mes palëve
-
“Më shitën shqiptarët”, Lekaj për AP pasi s’u rizgjodh deputete në Kroaci
-
Lajçak: Në takimin e fundit u ngushtua diferenca për dinarin – pres propozime shumë konkrete në takimin e radhës
Lajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
DASH zbardh raportin e plotë për Shqipërinë – S’ka progres domethënës, probleme serioze me pavarësinë e gjyqësorit
-
SPAK u komunikon akuzat ish-zyrtarëve të arrestuar të Bashkisë Tiranë
-
Lajçak: Në takimin e fundit u ngushtua diferenca për dinarin – pres propozime shumë konkrete në takimin e radhës