Anëtarët e Dhomës së Përfaqësuesve në Kanada, vendosën t’i japin shtetësinë blogger-it saudit Raif Badawi. Ai u arrestua në Arabinë Saudite për shkrime në lidhje me fjalën e lirë dhe ‘fyerjen e Islamit’.
Badawi ka kryer nëntë vite burg ndërkohë që gruaja dhe tre fëmijët e tij jetojnë ne Kanada.
Propozimi, i cili u votua unanimisht të mërkuren i kërkon ministrit të Emigracionit të përdorë fuqinë e tij diskrete. Shtetësia kanadeze për Badawi-n, sipas ligjvënësve do të korrigjojë një situatë të pazakontë.
Badawi u arrestua në 2012-ën dhe u dënua me shtatë vite burg dhe 600 fshikullime. Më pas ai u dënua serish me 10 vite burg dhe një mijë goditje.
Ai mori 50 nga ato fshikullime në janar të 2015-ës, por pjesa tjetër e seancave, të cilat do të kryheshin çdo javë, u pezulluan pas një proteste.
Blogger-it iu dha çmimi i Sakharov nga Parlamenti Evropian. Ky është një çmim nderi për individë ose grupe, që i kanë kushtuar jetën e tyre mbrojtjes së të drejtave të njeriut dhe lirisë së mendimit.
Lajmi u mirëprit me gëzim nga gruaja e aktivistit të të drejtave të njeriut, Ensaf Haidar.
“Çfarë lajmi! Raif do të jetë kaq i lumtur! Kam shpresë”, shkroi ajo në Twitter, duke falënderuar ligjvënësit për kujtimin e çështjes së burrit të saj.
Gruaja dhe tre fëmijët e Badawi, të cilët jetojnë në Quebec, e kanë marrë shtetësinë kanadeze.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Izraeli, çarjet rreth Netanyahut dhe tani presioni për një sulm ndaj Rafahut po rritet
-
Deklarimi i pasurisë: Liburn Aliu ka blerë dy banesa në “Marigona Hill”
-
Ministri i Jashtëm iranian pro uljes së tensioneve në Lindjen e Mesme
-
El Niño drejt fundit: a do të jetë më pak nxehtë? – Shkencëtarët: Po, por vera e ardhshme do të jetë ende përvëluese
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Izraeli, çarjet rreth Netanyahut dhe tani presioni për një sulm ndaj Rafahut po rritet
-
Pse Kurti nuk mori pjesë në tubimin e “VLEN-it” në Gjermani?