Gazeta e përditshme sportive italiane “Corriere dello Sport” raporton se Lazio ka nisur projektin “Flaminio”, i cili është ëndrra e presidentit Claudio Lotito, për të pasur një stadium me 40 mijë vende.
Nga ana tjetër, Lotito kërkon bashkëpunimin me Bashkinë e Romës. Stadiumi i vjetër i Flaminio-s ka një kapacitet prej 24 mijë tifozësh dhe Lotito i ka kërkuar bashkisë të heqë strukturat e stadiumit, për të lejuar vazhdimin e punimeve.
“Qyteti i Romës dhe Lazio meritojnë të kenë stadiumin e tyre. Ne duhet të biem dakord për Flaminio, është në interes të të gjithëve. Nëse do të kishte mundësi, do të isha e gatshme të ndihmoja”, ka thënë Virginia Raggi, kryetarja e Bashkisë së Romës.
Stadiumi i vjetër është ndërtuar për Lojërat Olimpike të Romës në vitin 1960 dhe, që nga viti 2012, është i braktisur totalisht, pasi edhe skuadra e regbisë së Italisë u zhvendos në stadiumin “Olimpico”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë RAI-n
