Shumica e njerëzve e kanë kthyer në ritual, dushin e përditshëm. Por duket që një dush i përditshëm nuk është i shëndetshëm për flokët e femrave dhe meshkujve.
Bright Side liston disa elementë që mund t’ju ndihmojnë të kuptoni më shumë për flokët tuaj.
Rënia e flokëve.
Është vërtetuar se larja e shpeshtë, e flokëve shkakton rënin e tyre. Larja me shampo heq shpesh vajrat natyralë të prodhuar nga skalpi juaj, duke ndikuar në mikrobiomën e tij. Kur skalpi juaj nuk është në ekuilibër, parandalon rritjen e flokëve të reja, e bën rrënjën më të brishtë dhe mund të rezultojë në humbje të flokëve.
Për të mbajtur në ekuilibër mikrobiomën e kokës suaj, rekomandohet të përdorni shampo të butë, pa sulfate.
Më shumë maja dyshe.
Prerja rregullisht e flokëve mund t’ju ndihmojë të mbani majat e ndara, por zakoni i larjes së flokëve çdo ditë mund të jetë sabotim i efekteve të mira të prerjes tuaj të flokëve. Flokët e lagur janë tepër të brishtë për t’u këputur, kështu që sa më shumë që t’i lani, aq më shumë shanse ka që majat të ndahen.
Edhe tharja e shpeshtë me peshqirë mund të shkaktojë maja tepër të thata dhe të ashpra.
Flokët duken më të yndyrshëm se zakonisht.
Megjithëse shampoja supozohet se i lë flokët tuaj të pastër, ajo mund t’i bëjë më të yndyrshëm. Kur lani flokët shumë shpesh, skalpi juaj mbiprodhon yndyrë.
Larja e flokëve tuaj më rrallë është në fakt një çelës për ta mbajtur flokun të pastër për më gjatë, dhe ju mund të stërvitni gjëndrat tuaja të vajit për të prodhuar më pak vaj duke pritur gradualisht më gjatë midis larjeve të flokëve.
Flokët humbasin shkëlqimin.
Nëse filloni të vini re se flokët kanë humbur shkëlqimin e tyre, ka shumë mundësi që të ketë nevojë për pushim nga larja. Një mungesë e vazhdueshme lagështie mund të ndikojë në strukturën e flokëve tuaj, duke i lënë ato pajetë.
Përveç heqjes së vajrave nga flokët tuaj, larja me shampo shumë shpesh mund të çojë edhe në grumbullimin e mbetjeve, duke bërë që flokët tuaj të duken më pak të shkëlqyeshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
