Biznes

Largimi nga Rusia do t’i kushtojë Shell-it 5 miliardë dollarë


Gjigandi i naftës, Shell, ka konfirmuar se do të marrë një goditje deri në pesë miliardë dollarë nga shkarkimi i aseteve ruse, si pjesë e planeve për t’u tërhequr nga vendi.

Kjo pasi është zotuar të mos blejë më naftë. Megjithatë, kontratat e nënshkruara përpara pushtimit të Ukrainës do të përmbushen.

Kostot e ndalimit të biznesit në Rusi përfshijnë heqjen dorë nga sipërmarrjet e përbashkëta me Gazprom-in.

Më parë, kompania u kritikua kur bleu naftë bruto ruse me një çmim të lirë pas fillimit të luftës. Dhe në përgjigje, kërkoi falje dhe u zotua të ndalonte blerjen e naftës nga Rusia.

Ndërprerja e lidhjeve të biznesit me vendin duket se do të kenë një kosto nga katër deri në pesë miliardë dollarë.

“Shell nuk ka rinovuar kontratat afatgjata për naftën ruse dhe do ta bëjë këtë vetëm nën drejtimin e qartë të qeverisë, por jemi ligjërisht të detyruar të marrim dorëzimin e naftës së papërpunuar të blerë sipas kontratave që janë nënshkruar përpara pushtimit”, ka thënë kompania.

 

Marrë nga “BBC”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore