Kryetari i partisë Lëvizja Vetëvendosja (LVV), Albin Kurti, të martën e 2 marsit, ka përkujtuar 577 vjetorin e Besëlidhjes së Lezhës.
Ai e ka shfrytëzuar këtë ditë, për të prezantuar dhe kandidatin për deputet nga LVV, Iliaz Shehun.
Kurti është shoqëruar nga kryetari i Aleancës për Shqiptarët në Strugë, Ziadin Sela, deputeti shqiptar nga Bujanoci, Nik Gjeloshaj dhe kryetari i komunës së Tuzit, Shaip Kamberi.
Albin Kurti ka deklaruar se bashkëpunimi midis dy qeverive duhet të fokusohet tek politika e jashtme, siguria dhe energjia.
“Shqipëria dhe Kosova, si shtete të bashkërendohen drejt afrimit dhe bashkimit, në tre fusha kryesore. Në atë të sigurisë së përbashkët, energjisë dhe burimeve natyrore dhe me atë të politikës së jashtme për kombin shqiptar”.
Sa i përket bashkimit kombëtar, Kurti është shprehur se këtë “nuk e lejon Kushtetuta”. Kushtetuta e Republikës së Kosovës, sipas tij, e kundërshton bashkimin me një shtet tjetër duke u bazuar në nenin 1.1 dhe nenin 1.3.
Neni 1.1 thotë që Kosova është vend i pavarur dhe demokratik, ndërsa neni 1.3 na e ndalon bashkimin me një shtet tjetër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Manja prezanton pr/ligjin: Lehtësohet procedura e cerfikimit për “Përkthyesit zyrtar”
-
Marrëveshja për Kolegjin e Evropës, Manastirliu në Kuvend: Ngjarje historike për arsimin e lartë shqiptar