Kryeministri i Kosovës, Albin Kurti, në raportin “Promovimi i demokracisë lokale”, që është publikuar të mërkurën nga Kongresi i Autoriteteve Rajonale dhe Lokale të Këshillit të Evropës ka shprehur pakënaqësinë në referimin e Kosovës me fusnotë.
Kurti fusnotën e ka konsideruar si pengesë gjatë raportimeve në forume ndërkombëtare.
“Në forume ndërkombëtare e kemi bezdi fusnotën e cila është trashëgimi e qeverisjes së më hershme. Fusnota nuk paraqet realitetin e njohjes së pavarësisë së Kosovës, po as marrëveshjen e Brukselit”, ka thënë Kurti.
“Në raport është përdorur fusnota sa herë është përdorur termi Kosova. Ky është keqinterpretim dhe keqcitim që duhet përmirësuar”.
Ndërkaq, kreu qeveritar gjatë këtij raporti ka folur edhe për demokracinë lokale.
Ai tha se “komunat gëzojnë nivel të lartë te kompetencave vetanake dhe qeverisjes së mirë”.
Gjatë kohës kur Vetëvendosja ka qenë në opozitë Kurti kishte pasur kritika për fusnotën.
“Plani 14 pikësh për veriun që e paraqiti shkurtimisht visari as nuk mund ta zbatojë as nuk mund ta zbatojë kjo qeveri”.
“Sepse kjo qeveri është qeveri e improvizimeve dhe jo e planeve. E pranoi fusnotën që na e konteston shtetësinë dhe e hoqi fjalën republikë nga rrëfimi i shtetit”, kishte thënë Kurti.
Ndryshe, në takimin e katërt që u mbajt në kuadër të Marrëveshjes së Stabilizim – Asociimit, kryeministri Kurti përfaqësoi Kosovën me fusnotë.
Më 2012 në Bruksel është arritur një marrëveshje mes Kosovës dhe Serbisë për përfaqësimin rajonal të Kosovës, ku kur përdoret emri i Kosovës vendoset edhe një fusnotë. Kjo fusnotë përdoret kryesisht nga shtetet që nuk e njohin Kosovën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Olsi Rama hedh poshtë akuzat e Bardhit për lidhjet me drogën: Vijnë nga një i paburrë
-
Rusia pëson sërish disfatë në OKB, dështon seanca për Kosovën
-
Xiaomi do të nxjerrë në treg automjetin e vet të parë elektrik
-
GJKKO i caktoi arrest në burg, Qato: Kam zbatuar ligjin, i keqardhur që SPAK ka rënë pre e presionit politik
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Putini më i fortë se SHBA-të, kur flitet për shkëmbimin e të burgosurve
-
Rusia pëson sërish disfatë në OKB, dështon seanca për Kosovën