Më 16 nëntor, Rifat Latifi është emëruar ministër i Shëndetësisë në Kosovë.
Por, që nga marrja e mandatit si ministër në këtë institucion Latifi ka udhëtuar dy herë për në Shtetet e Bashkuara të Amerikës, duke thënë se këto udhëtime bëhen për “çështje personale”.
Këshilltari i Latifit, Drin Podrimçaku, në një prononcim për media kishte konfirmuar udhëtimin e tij.
“Po ka udhëtuar dhe kthehet më 3 janar”, ka deklaruar ai.
Për këtë temë u pyet në konferencë për media, kryeministri i Kosovës Albin Kurti i cili ka thënë se Latifi gjendet në Shtetet e Bashkuara të Amerikës për çështje të natyrës profesionale.
“Tash s’ka person që s’është online dhe ai i koordinon punët. Pas një karriere shumëvjeçare në SHBA, një çik si shpejtë i është dashur të përgatitet të vijë në Kosovë e direkt në pandemi. Prandaj nuk mund të them se është për qëllime personale, por për shkaqe të cilët kanë të bëjnë edhe me institucionet ku ka punuar ai atje”.
Kryeministri tutje rikujtoi punën e ministrit akutal, duke thënë se shkaku i kësaj janë disa çështje që kanë mbetur të papërfunduara.
“Meqenëse është person i cili ka shkruar 350 artikuj në revista shkencore dhe ka numër të pafundmë të studentëve që kanë magjistruar e doktoruar tek ai, janë disa çështje të vogla teknike që janë të natyrës profesionale, por ai më ka siguruar se duke i ndarë punët me kohë në ministri e duke qenë vazhdimisht online nuk do ta cenojë për asnjë moment bashkërendimin dhe funksionimin e MSH-së në këtë kohë pandemie”, ka thënë Kurti.
Ndërsa, më 1 tetor, ministri i Shëndetësisë, Arben Vitia njoftoi për dorëheqjen e tij nga ky post, për t’u fokusuar në garën për Prishtinën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Raporti i Amnesty International për Kosovën: Reagimi i shtetit ndaj dhunës në familje është i pamjaftueshëm
-
Shpenzimet tremujore të partive, prin Lëvizja Vetëvendosje me mbi 300 mijë euro
-
PDK: Raportimi i AP-së për aferën me ambalazhues i forcoi konstatimet e DASH-it
-
Freedom House: Liria e fjalës dhe e shprehjes është disi e kufizuar në Kosovë
Lajmet kryesore
-
Rama i përgjigjet sërish Rai-t: Mos bini pre e gabimit të parë, mbylleni këtë faqe jo të lavdishme
-
Zgjedhjet në RMV, Osmani: Qytetarët kanë dy opsione – integrim apo izolim
-
Basha akuzon Metën: Ke qenë nxitësi kryesor i djegies së mandateve, solle Ramën në pushtet
-
Raporti i “Freedom House”: Korrupsioni çështje serioze shqetësuese në Kosovë