Tetë ndeshje do të luhen këtë të mërkurë në Kupën e Shqipërisë. Sfidat janë ndeshjet e dyta të raundit të dytë në Kupë.
Mes skuadrave të favorizuara për të kaluar në raundin tjetër, pasi kanë arritur fitore në takimin e parë janë: Laçi, Egnatia, Teuta, Partizani, Vllaznia dhe Dinamo.
Të gjitha ndeshjet do të luhen duke filluar nga ora 13:30, me përjashtim të derbit mes Tiranës dhe Dinamos. Kjo sfidë do të luhet nga ora 19:45.
Laçi do të presë Tomorin. Në ndeshjen e parë në Berat fituan kurbinasit me rezultatin 1-0.
Kastrioti do të përballet me Flamurtarin. Sfida e parë në Vlorë përfundoi me rrjeta të paprekura.
Kukësi do të presë Egnatian. Verilindorët humbën ndeshjen e parë në Peqin me rezultatin 3-1.
Partizani përballet me Besëlidhjen. “Demat e Kuq” triumfuan minimalisht 1-0 në takimin e parë të luajtur në Lezhë.
Vllaznia pret Pogradecin. Shkodranët fituan 2-0 në ndeshjen e parë. Teuta pret Korabin. Durrsakët fituan minimalisht 1-0, ndeshjen e parë të luajtur në Peshkopi.
Skënderbeu do të presë Bylisin. Takimi i parë, i luajtur në Ballsh përfundoi në barazim 1-1.
Të enjten Tirana do të përballet në derbi me Dinamon. “Nëndetësja Blu” fitoi ndeshjen e parë me rezultatin 2-0.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Si arriti Vjosa Osmani t’i fusë 4 gratë e përdhunuara gjatë luftës në Këshillin e Sigurimit përballë Vuçiç
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje