Kupa e Shqipërisë do të luajë të enjten katër sfidat e fundit të turit të parë. Dinamo, Bylisi, Erzeni, Oriku, Tomori, Lushnja, Burreli dhe Besëlidhja do të luajnë për një biletë në turin tjetër të Kupës.
Ditën e mërkurë u luajtën 12 sfida. Partizani, Tirana, Vllaznia, Laçi, Skënderbeu, Teuta, Kastrioti, Erzeni, Pogradeci, Flamurtari, Kukësi dhe Korabi ishin të kualifikuarat e para në turin e dytë.
Katër ndeshjet e të enjtes do të fillojnë nga ora 13:30. Dinamo do të presë Erzenin, për të tentuar përmbysjen dhe kualifikimin. Ndeshjen e parë ishte Erzeni që do e fitonte me rezultatin minimal 1-0.
Bylisi do të presë Orikun. Ballshiotët janë të avantazhuar pasi në ndeshjen e parë të luajtur në Orikum, fituan me rezultatin 2-1.
Burreli do të presë Besëlidhjen. Ndeshja është e hapur pas atij rezultati 0-0 në ndeshjen e parë të luajtur në Lezhë. Tomori do të presë Lushnjën. Beratasit pritet ta kenë më të lehtë kualifkimin pasi fituan me rezultatin 3-0 në takimin e parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
As në takimin e pestë s’ka marrëveshje për dinarin – Lajçak do të dalë me një propozim të ri
-
Serbia propozoi që strukturat ilegale serbe të financohen deri në krijimin e Asociacionit, thotë Bislimi
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje