Atalanta e Gian Piero Gasperini-t ka arritur të triumfojë në ndeshjen hapëse të fazës së 1/8-ve të Kupës së Italisë përballë Venezia-s.
Bergamaskët, që ishin dhe skuadra pritëse e takimit, fituan me shifrat 2-0. Ky raund është vetëm me një takim dhe Atalanta pas fitores ka siguruar raundin tjetër.
Vendasit dominuan lojën për 90 minuta. Goli i parë i takimit u shënua nga kolumbiani, Luis Muriel-i. 30-vjeçari shënoi në minutën e 12.
Rasti u konfirmua gol i rregullt pas rishikimit në VAR, pasi dyshohej për prekje të topit me dorë nga ana e sulmuesit.
Me golin e Muriel-it do të vuloseshin shifrat e takimit në 1-0 për pjesën e parë.
Në pjesën e dytë, vetëm dy minuta para përfundimit të kohës së rregullt të takimit do të vinte dhe goli i sigurisë për zikaltrit.
Danezi, Joakim Maehle e dërgoi topin pas krahve të portierit mik, duke shfrytëzuar mirë topin e dhënë nga Mario Pasalic-i.
Për anësorin 24-vjeçar ky ishte goli i dytë me fanellën e Atalanta-s, pas atij në kampionat në fitoren 6-2 ndaj Udinese-s, tre dite më parë.
Atalanta me fitoren e arritur bëhet skuadra e parë që kalon në raundin tjetër. Teksa do të duhet të presë skuadrat e tjera që do të dalin nga përballjet:
13 janar
Napoli – Fiorentina
Milan – Genoa
18 janar
Lazio – Udinese
Juventus – Sampdoria
19 janar
Sassuolo – Cagliari
Inter – Empoli
20 janar
Roma – Lecce
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë