Kupa e Botës 1958: Kur Pele udhëhoqi Brazilin drejt titullit të parë

Procesi i kualifikimit për Kupën e Botës 1958 i dha mundësinë një grupi më të gjerë kombesh.

Ai pa kualifikimin e të katër kombeve britanike, rikthimin e Argjentinës dhe debutimin e Bashkimit Sovjetik të dikurshëm. Ish-kampionët e dyfishtë Uruguai dhe Italia nuk arritën të kualifikoheshin.

Tre kombe myslimane, Indonezia, Sudani dhe Turqia, refuzuan të luanin me Izraelin dhe humbën çdo mundësi për t’u kualifikuar në raundin kryesor. Izraeli, ndërkohë, humbi ndeshjen e tij me eliminim kundër Uellsit.

Ishte hera e dytë radhazi që turneu zhvillohej në Evropë, duke mërzitur përsëri kombet e Amerikës së Jugut.

Ky ishte gjithashtu turneu që i dha Brazilit titullin e parë të Kupës së Botës dhe botës pamjen e parë të legjendës, Pele.

Edhe pse Pele, i cili në atë kohë ishte 17 vjeç, nuk luajti në dy ndeshjet e para, ai e kompensoi atë duke shënuar gjashtë gola në katër të tjerat.

Pele shënoi golin e fitores kundër Uellsit në çerekfinale. Bota e vuri re deri te hat-trick kundër Francës në gjysmëfinale.

Në finalen kundër Suedisë, i riu shënoi dy gola duke ndihmuar ekipin e tij të fitonte titullin e parë botëror para 50 mijë tifozëve në stadiumin “Rasunda” në Stokholm.

Arritjet

Francezi Just Fontaine shënoi 13 gola në turne, një rekord për një lojtar në një Botëror të vetëm që ende qëndron.

Pele dhe Brazili nisën rrugëtimin e tyre të lavdishëm në Kupën e Botës duke fituar titullin e tyre të parë. Pele u bë golashënuesi më i ri në një Kupë Botërore kur shënoi kundër Uellsit në moshën 17 vjeç e 239 ditë.

Në një finale u shënuan shtatë gola, një rekord që ende qëndron.

Rikthimi i Argjentinës në Kupën e Botës ishte katastrofik pasi humbën dy ndeshje dhe pësuan 10 gola, duke përfunduar në fund të grupit të tyre. Ekipi u prit me zemërimin e tifozëve kur u kthye në shtëpi.

Mesatarja e frekuentimit të ndeshjeve ishte e ulët në krahasim me disa edicionet e mëparshme.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.