Kryeministri i Sllovakisë, Igor Matović, dha dorëheqjen nga posti i tij. Matović, dha dorëheqjen për të zgjidhur krizën politike të vendit.
Kryeministri sllovak pohoi se ka dakordësuar të largohet si kryeministër me kusht që të ndërrojë postet me ministrin e Financave, Eduard Heger.
Ai dha dorëheqjen për shkak të mosmarrëveshjeve në qeverinë e koalicionit për blerjen e vaksinave ruse Sputnik V.
Partnerët e koalicionit qeveritar pranuan kushtet duke njoftuar se koalicioni i tyre do të vijojë.
Qeveria sllovake konfirmoi se i ka paraqitur dorëheqjen e kryeministrit sllovak presidentit Zuzana Čaputová.
Ish zëvendëskryeministri dhe ministri i Financave, Eduard Heger, u ngarkua me detyrën e formimit të një qeverie të re.
Sipas njoftimit të qeverisë, emërimi i Heger-it është miratuar nga partnerët e koalicionit qeverisës në Sllovaki..
Më 28 mars, kryeministri sllovak njoftoi se do të tërhiqej, pas skandalit politik të shkaktuar nga marrëveshja e fshehtë për të blerë vaksinën ruse Sputnik V.
Të paktën gjashtë anëtarë të kabinetit kanë dhënë dorëheqjen nga postet e tyre.
Kriza politike shpërtheu kur u zbulua një marrëveshje e fshehtë që kishte siguruar Sllovakia për të marrë 2 milion doza të vaksinës ruse, Sputnik V.
Tensionet midis partnerëve e të koalicionit shpërthyen kur kryeministri sllovak bëri një marrëveshje për të blerë Sputnik V pa dijeninë e partnerëve të koalicionit.
Sllovakia është një vend anëtar i Bashkimit Evropian (BE). Sllovakia ishte vendi i dytë anëtar, pas Hungarisë, i cili bleu vaksinën nga Rusia.EMA nuk e ka autorizuar ende vaksinën ruse.
Deri më tani, shteti sllovak ka numëruar rreth 9 mijë e 500 fatalitete nga COVID-19.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Gjermania kërkon që Kosova ta dërgojë në Kushtetuese Asociacionin nëse do anëtarësim në KiE
-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë