Kryeministri i Pakistanit lidh përdhunimin ndaj grave me mënyrën se si vishen ato

Gratë dhe aktivistët e të drejtave të Pakistanit kanë akuzuar kryeministrin Imran Khan për “injorancë marramendëse”, pasi politikanët fajësuan veshjen e grave për rritjen e rasteve të përdhunimit.

Në një intervistë në fundjavë, Khan tha se një rritje e përdhunimeve tregonte “pasojat në çdo shoqëri ku vulgariteti është në rritje”.

“Incidentet e përdhunimit të grave, në të vërtetë, janë rritur shumë shpejt në shoqëri”.

Ai i këshilloi gratë të mbuloheshin për të parandaluar tundimin.

“I gjithë ky koncept i purdah-ut është që të shmanget tundimin. Jo të gjithë kanë vullnet për ta shmangur atë”. (purdah, praktika midis grave në shoqëri të caktuara myslimane dhe hindu për të jetuar në një dhomë të veçantë ose pas një perde, ose për t’u veshur me rroba gjithë-mbështjellëse, në mënyrë që të qëndrojnë larg syve të burrave ose të huajve).

Ai përdori një term që mund t’i referohet veshjes modeste ose ndarjes së gjinive.

Qindra njerëz kanë nënshkruar një deklaratë që ka qarkulluar në internet që nga e mërkurja, duke i quajtur komentet e Khan-it “faktikisht të pasakta, të pandjeshme dhe të rrezikshme”.

“Faji qëndron vetëm në përdhunuesin dhe sistemin që e mundëson dhunuesin, duke përfshirë një kulturë të nxitur nga deklarata të tilla si ato të bëra nga Khan”, shkruhej në deklaratë.

Komisioni për të Drejtat e Njeriut të Pakistanit, një vëzhgues i pavarur i të drejtave, të martën tha se ishte “tmerruar” nga komentet.

“Kjo jo vetëm që tradhton një injorancë marramendëse se ku, pse dhe si ndodh përdhunimi. Por gjithashtu hedh fajin për të mbijetuarit e përdhunimit. Të cilët, siç duhet të jetë në dijeni qeveria, mund të shkojnë nga fëmijë e vegjël deri në viktima të krimeve të nderit”.

‘Nderi’ i grave në Pakistan

Pakistani është një vend thellësisht konservator ku viktimat e abuzimit seksual shpesh shihen me dyshim dhe ankesat penale rrallë hetohen seriozisht.

Pjesa më e madhe e vendit jeton nën një kod “nderi” ku gratë që i sjellin “turp” familjes mund t’i nënshtrohen dhunës ose vrasjes.

Pakistani renditet ndër vendet më të këqija në botë për barazinë gjinore.

Protestat mbarëkombëtare shpërthyen vitin e kaluar kur u bë publike një viktimë e përdhunimit në grup.

Një nënë franko-pakistaneze u sulmua para fëmijëve të saj në anë të një autostrade pasi makinës së saj i mbaroi karburantit.

Vitin e kaluar, Khan u kritikua pas një paraqitjeje tjetër televizive ku ai nuk arriti të sfidonte insistimin e një udhëheqësi mysliman që coronavirusi ishte lëshuar për shkak të keqbërjeve të grave.

Polemika e fundit vjen ndërsa organizatorët e marshimeve të Ditës Ndërkombëtare të Grave luftojnë atë që ata e kanë quajtur një fushatë të koordinuar dezinformimi kundër tyre, duke përfshirë imazhe dhe video të publikuara në internet.

Kjo ka çuar në akuza për blasfemi, një çështje jashtëzakonisht e ndjeshme në Pakistan. Akuzat më parë kanë çuar turmat të sulmojnë njerëzit.

Organizatorët e tubimit vjetor kanë bërë thirrje që kryeministri të ndërhyjë.

Në paraqitjen e tij Khan ka fajësuar normat e divorcit në Britani. Kultura “seksi, droga dhe rock and roll” që filloi në vitet 1970, kur Khan i divorcuar dy herë po fitonte një reputacion në Londër si një “playboy”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.