Në mediat sociale, Elon Musk po përballet me një reagim të ashpër pasi Kina u ankua se stacioni i vet hapësinor u detyrua të shmangte përplasjet me satelitët e nisur nga projekti i tij Starlink.
Agjencia e lajmeve, “BBC”, tregon se Pekin-i ka pretenduar që stacioni hapësinor i vendit pati dy “takime të ngushta” me satelitët Starlink këtë vit.
Por incidentet pas ankesave, të paraqitura në agjencinë hapësinore të OKB-së, nuk janë verifikuar ende në mënyrë të pavarur.
Lidhur me Starlink-un, ai është një rrjet satelitor interneti i operuar nga SpaceX-i në pronësi të Musk-ut.
Referuar një dokumenti të dorëzuar nga Kina këtë muaj në Zyrën e Kombeve të Bashkuara për Çështjet e Hapësirës së Jashtme, incidentet kanë ndodhur më 1 korrik dhe 21 tetor.
“Për arsye sigurie, Stacioni Hapësinor i Kinës ka zbatuar kontrollin parandalues të shmangies së përplasjeve”, ka deklaruar Pekin-i në dokumentin e publikuar në faqen e internetit të agjencisë.
Musk-u, Starlink-u dhe SHBA-të, pasi ankesa u bë publike, u kritikuan rëndë në platformën e mikroblogimit Weibo të Kinës.
Një përdorues i përshkroi satelitët e Starlink-ut si “një grumbull mbeturinash hapësinore”.
Kurse një tjetër ka thënë se satelitët janë “armë amerikane të luftës hapësinore” dhe “Musk-u është një armë e re e krijuar nga qeveria dhe ushtria amerikane”.
“Rreziqet e Starlink-ut po ekspozohen gradualisht, e gjithë raca njerëzore do të paguajë për aktivitetet e tyre të biznesit”, ka shkruar atje një përdorues tjetër.
Nga ana tjetër, Kina ka akuzuar SHBA-të edhe se po i vendosin në rrezik astronautët, duke injoruar detyrimet sipas traktateve të hapësirës së jashtme.
Zhao Lijian, zëdhënësi i ministrisë së Jashtme, ka pohuar se Kina po i kërkonte SHBA-ve të vepronin me përgjegjësi.
Edhe shkencëtarët kanë ngritur alarmin për rreziqet e përplasjeve në hapësirë.
Ata u kanë bërë thirrje qeverive botërore të ndajnë informacione rreth 30 mijë satelitëve dhe mbeturinave të tjera hapësinore që rrotullohen rreth Tokës.
Tanimë, SpaceX-i ka lëshuar afro 1 mijë e 900 satelitë si pjesë e rrjetit Starlink dhe gjithashtu planifikon të vendosë mijëra të tjerë.
Madje NASA, muajin e kaluar shtyu papritur një shëtitje hapësinore nga Stacioni Ndërkombëtar i Hapësirës për shkak të shqetësimeve për mbeturinat hapësinore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lëshonin fatura fiktive duke i shkaktuar shtetit 1 milionë euro dëm, ‘arrest në burg’ për dy shtetas
-
Gërvalla i quan “lotë të krokodilit” shqetësimet e opozitës për raportin e DASH-it
-
Nis takimi Bislimi – Petkoviç në Bruksel për dinarin
-
SPAK nuk fillon procedim për Bardhin, pas kërkesës nga Olsi Rama
Lajmet kryesore
-
Nis takimi Bislimi – Petkoviç në Bruksel për dinarin
-
“Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
SPAK nuk fillon procedim për Bardhin, pas kërkesës nga Olsi Rama