Zëdhënësi i presidentit rus, Dmitry Peskov, mbështeti të martën komentet e presidentit rus, ku krahasoi protestuesit me terroristët.
Peskov tha se Putini u referohej “atyre që fshiheshin pas fëmijëve dhe grave” në protestë.
“A nuk fshihen terroristët pas grave dhe fëmijëve”, u shpreh ai.
Sipas tij, dialogu midis protestuesve dhe autoriteteve është i pamundur. Gjithashtu u shpreh se demonstruesit që sulmuan oficerët e policisë gjatë tubimeve “duhet të ndiqen penalisht sipas ligjit”.
Navalny u ka bërë thirrje mbështetësve të tij për të protestuar. Ai u arrestua fundjavën e kaluar kur u kthye në Rusi pasi u helmua me një agjent nervor.
Gjatë protestave të së shtunës, mbi 3 mijë e 700 njerëz u arrestuan, sipas organizatës për të drejtat e njeriut në Rusi, OVD-Info.
Përfaqësuesit e organizatës, shkruan se numri i arrestimeve ishte rekord gjatë nëntë viteve të punës së tyre në Rusi.
Më shumë se 1 mijë e 400 ndalime ndodhën vetëm në Moskë, gjithashtu një rekord sipas mediave ruse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë