Kryetari i Partisë Demokratike të Kosovës, Memli Krasniqi, me rastin e tre vjetorit të themelimit të Ushtrisë së Kosovës, ka deklaruar se formimi i kësaj ushtrie është meritë edhe e ish presidentit të Kosovës, Hashim Thaçi, dhe ish kryeparlamentarit Kadri Veseli.
“Ushtria jonë, që çdo ditë po e dëshmon veten me nivelin e lartë të përgatitjes profesionale dhe përvetësimit të standardeve të NATO-s, nuk do të ishte e tillë pa insistimin dhe vendosmërinë për formimin e saj edhe të dy liderëve tanë historikë Kadri Veselit, atëherë kryetar i Kuvendit të Republikës së Kosovës dhe ish-Presidentit Hashim Thaçi”, ka shkruar Krasniqi në Facebook.
Tutje Krasniqi, ka thënë se formimi i ushtrisë është njëri ndër momentet më të rëndësishme për Kosovën.
“Tri vite më parë, Kuvendi i Republikës së Kosovës miratoi legjislacionin për shndërrimin e Forcës së Sigurisë së Kosovës në Ushtri të Kosovës Pas shpalljes së pavarësisë, ky proces ishte momenti më i rëndësishëm në forcimin e shtetësisë dhe sovranitetit të Kosovës”.
Ai shtoi se, “ushtria e Kosovës është krenaria jonë e përhershme!”.
Më 14 dhjetor të vitit 2018, Parlamenti i Kosovës, me 106 vota pro dhe një abstenim, pati miratuar tri ligjet që e ndryshonin mandatin e Forcës së Sigurisë së Kosovës (FSK), në ushtri të Kosovës.
Ligjet që u miratuan janë, Projektligji për Ministrinë e Mbrojtjes, Projektligji për Forcën e Sigurisë së Kosovës dhe Projektligji për shërbim në Forcën e Sigurisë së Kosovës.
Deputetët serbë në Parlamentin e Kosovës nuk morën pjesë në seancë. Ata e kishin kundërshtuar formimin e ushtrisë së Kosovës dhe paralajmëronin se vendimin e kuvendit për ushtrinë do ta dërgonin në Gjykatën Kushtetuese.
Udhëheqësit e institucioneve të Kosovës, votimin dhe miratimin e ligjeve për ushtrinë e cilësonin si “një ditë historike dhe një nga vendimet më të rëndësishme që nga shpallja e pavarësisë së Kosovës”.
Mbështetje Parlamentit të Kosovës për shndërrimin e FSK-së në ushtri përmes ligjeve, i dhanë dy ish-ambasadorët në Kosovë, ai i Shteteve të Bashkuara të Amerikës, Philip Kosnett dhe ai i Britanisë së Madhe, Ruari O’Connel.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërvalla i quan “lotë të krokodilit” shqetësimet e opozitës për raportin e DASH-it
-
Takimi Bislimi – Petkoviç në Bruksel për dinarin është shtyrë për në mesditë
-
“Kosova t’i ruaj raportet me Maqedoninë e Veriut, të mos ua rrezikojë sigurinë e shqiptarëve për nevoja të veta”
-
Humbi zgjedhjet me rreth 40 mijë vota, Taravari s’tërhiqet: Vazhdojmë
Lajmet kryesore
-
O’Brien i kërkoi “përparim urgjent” për Asociacionin, Kurti s’e përmend askund
-
“Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
SPAK nuk fillon procedim për Bardhin, pas kërkesës nga Olsi Rama
