Është hera e dhjetë që organizata jo qeveritare “Ngritja e Zërit” i drejtohet Gjykatës Kushtetuese në Kosovë, për të njëjtin qëllim.
Edhe të premten e 10 dhjetorit, kjo organizatë deponoi në këtë gjykatë dosje të cilat kanë të bëjnë me kompensimin e dëmeve të luftës.
Shkak i përsëritjes së kësaj procedure për të dhjetën herë, thuhet se është refuzimi i vazhdueshëm i padive për kompensim të dëmeve të luftës.
Kryetari i organizatës “Ngritja e Zërit”, Jahir Bejta është shprehur se për të gjitha këto herë kanë dorëzuar tri dosje.
“Kosova përmes Kushtetutës së saj i ka përvetësuar edhe konventat ndërkombëtare madje i ka vendosur mbi gjyqësorin vendor por të njëjta nuk janë duke u zbatuar”, ka thënë Bejta para mediave.
Me gjashtë tetor të 2020, ka qenë hera e fundit që e njëjta organizatë kishte kërkuar kompensim të dëmeve të luftës.
Kjo organizatë, me refuzimin e kërkesave nga Kushtetuesja është shprehur se po ju bëhen shkelje vazhdimisht.
Por që, “edhe kundër refuzimit, do të këmbëngulin në kërkesat e tyre deri atëherë kur do të ju kompensohen dëmet e luftës”, kishte thënë Bejta.
Ai shtoi se, “padrejtësisht palëve të dëmtuara në cilësinë e palëve paditëse është duke u mohuar e drejta e garantuar, qasja në drejtësinë vendore”.
Ndryshe, deri më tani, Qeveria e Kosovës asnjëherë nuk ka paraqitur ndonjë vlerësim zyrtar të dëmeve materiale nga lufta.
Megjithatë në vitin 2011, 12 vjet pas përfundimit të luftës, është paralajmëruar se do ta nisë mbledhjen e fakteve për të argumentuar këto dëme.
Për këtë arsyeje ishte krijuar Instituti për Hulumtimin e Krimeve të Luftës, në kuadër të Ministrisë së Drejtësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Gjermania kërkon që Kosova ta dërgojë në Kushtetuese Asociacionin nëse do anëtarësim në KiE
-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë