Paneli për Ankesa dhe Parashtresa ka njoftuar se brenda 24 orëve janë paraqitur 208 ankesa nga partitë dhe subjektet politike kundër rezultatit zgjedhor, të publikuar nga Komisioni Qendor i Zgjedhjeve.
PZAP-ja ka njoftuar se lidhur me këto apele do vendoset brenda afatit ligjor prej 72 orëve.
“Jemi në procedim/administrim të ankesave dhe ende nuk kemi mundësi për të ju informuar me numrin e kandidatëve të subjekteve politike për secilin subjekt të cilat kanë parashtruar apele në PZAP-i lidhur me publikimin e rezultateve përfundimtare të zgjedhjeve”, thuhet në njoftimin e PZAP-së.
Afati për paraqitjen e ankesave ka përfunduar ne ora 11:25, ndërsa PZAP-i lidhur me këto ankesa do të vendos brenda afatit ligjor prej 72 orëve
Në bazë të rezultateve përfundimtare, LVV-ja është partia e parë me 49.95 për qind, e pasuar nga PDK-së, me 16.9 për qind, LDK-ja me 12.64 për qind, AAK 7.078 për qind.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com