Një student në Universitetin “Ukshin Hoti” në Prizren, Sovran Hoti, ka nisur një peticion për njohjen e kufinjve të Kosovës, drejtuar Netflix-it. I riu është përdorues i rregullt i Netflix dhe ka vënë re se vendodhja figuron si Serbi.
Në përshkrimin e peticionit shkruhet :
“Kur kosovarët hyjnë në Netflix, vendndodhja e tyre duket sikur është në Serbi, edhe pse ata e përdorin Netflix nga Republika e Kosovës. Personalisht, kjo më ka ndodhur shumë herë. Unë madje nuk mund ta verifikoj numrin tim të telefonit sepse Kosova nuk shfaqet në listën e vendeve me të dhënat telefonike”.
Ndërkohë në mbyllje ka prekur edhe faktin që Shtetet e Bashkuara të Amerikës e njohin Kosovën, ndaj duke qenë se Netflix është kompani amerikane duhet që edhe Netflix ta shtojë Kosovën në shërbimin e tyre të trasmetimit. Ai kërkon kontributin e të gjithëve në peticion për të rregulluar gabimin, sa më shumë që Netflix ta vërejë këtë nismë dhe të marrë vendimin që të njohë Kosovën si shtet.
Aktualisht ky peticion është firmosur nga më shumë se 18 mijë persona dhe numri sa vjen e rritet.
Njëkohësisht në rrjete sociale qarkullon edhe hashtag-u #NetflixaddKosovo, (Netflix shto Kosovën).
Dear @netflix, the people of 🇽🇰 highly enjoy your streaming services and love your work. They deserve to be recognized for this.
It’s about time you put the Republic of Kosovo on your map. https://t.co/evjGw9BrIu— Vjosa Osmani (@VjosaOsmaniPRKS) February 10, 2021
Kësaj nisme i është bashkuar edhe presidentja në detyrë, Vjosa Osmani e cila ka reaguar nëpërmjet një postimi në Twitter.
“I dashur Netflix, njerëzit e Kosovës kënaqen shumë me shërbimet tuaja ‘streaming’ dhe e duan punën tuaj. Ata meritojnë të njihen për këtë. Është koha që ta vendosni Republikën e Kosovës në hartën tuaj”, shkruan ajo.
Për tu bërë pjesë e peticionit kliko linkun: https://www.change.org/p/netflix-add-kosovo-as-a-country-in-netflix?utm_content=cl_sharecopy_27279113_en-US%3A7&recruiter=921387685&utm_source=share_petition&utm_medium=copylink&utm_campaign=share_petition
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kanye West fare pranë hapjes së një studioje pornografike
-
Disa anëtarë të ekuipazhit lëndohen në shesh xhirimet e filmit të Eddie Murphy, “The Pickup”
-
Regjisori palestinez Elia Suleiman do të nderohet nga Festivali i Filmit në Sarajevë
-
Deadpool dhe Wolverine rikthehen në ekran për të “shpëtuar” Marvel
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë Rai-n