Koreja e Veriut tërhiqet nga Lojërat Olimpike Tokio 2021

Të martën e 6 prillit, Koreja e Veriut ka njoftuar se është tërhequr nga Lojërat Olimpike të Tokios këtë vit.

Ky vendim është marrë për të mbrojtur atletët e saj nga Covid-19.

Në këtë mënyrë, shpresat e Koresë së Jugut kanë marrë fund, për t’i përdorur këto lojëra për t’u bashkuar me Korenë e Veriut.

Pas konflikteve ndërkufitare të bllokuara.

Në Lojërat Olimpike Dimërore të vitit 2018, të dy palët u bashkuan në një ekip të përbashkët, duke çuar në një seri samitesh historike.

Pyongyang, kryeqyteti i Koresë së Veriut, ka deklaruar se nuk ka raste të virusit, por ekspertët mendojnë se mund të ketë gjasa që të shfaqen.

Njoftimi e bën Korenë e Veriut vendin e parë të madh që anashkalon Lojërat e vonuara të vitit 2020 për shkak të pandemisë. Lojërat Olimpike do të mbahen më 23 korrik.

Kjo do të jetë hera e parë që Koreja e Veriut humbet një Olimpiadë Verore që nga viti 1988, kur bojkotoi lojërat e Seulit gjatë Luftës së Ftohtë.

Shpresat humbën

Vendimi u mor në një takim të Komitetit Olimpik më 25 mars.

Koreja e Veriut ka marrë masa të rrepta kundër virusit qëkur shpërtheu vitin e kaluar.

Ajo mbylli kufijtë në fund të janarit dhe më vonë karantinoi qindra të huaj në kryeqytetin e saj.

Që nga fillimi i vitit të kaluar, trenat dhe vagonët janë ndaluar të hyjnë ose të largohen nga Koreja e Veriut.

Presidenti i Koresë së Jugut, Moon Jae-in, shpresonte që lojërat të mund të ishin një katalizator për përparimin midis të dy Koreve.

Koreja e Veriut dërgoi 22 atletë në Lojërat Olimpike Dimërore 2018 në Korenë e Jugut, së bashku me zyrtarë të qeverisë.

Bisedimet që pasuan, çuan në një seri takimesh historike, të profilit të lartë midis udhëheqësit të Koresë së Veriut dhe ish-presidentit të SHBA-së, Donald Trump.

Kishte shpresa për marrëdhënie të përmirësuara pas takimeve, por asgjë nuk u arrit dhe që nga ajo kohë atmosfera është përkeqësuar.

Koreja e Veriut dhe e Jugut janë teknikisht ende në luftë sepse asnjë marrëveshje paqeje nuk u arrit kur Lufta Koreane përfundoi në vitin 1953.

Situata e Covid-19 në Japoni

Ndërkohë, në Japoni, një ngjarje përgatitore olimpike u anulua pasi rastet pozitive me Covid-19 shpërthyen në një kamp trajnimi për ekipin japonez të ëater polo, me shtatë persona që rezultuan pozitivë.

Ka pasur shqetësime në rritje në Japoni që me shfaqjen e viruseve të reja, të cilat janë më të lehta për tu transmetura dhe mund të jenë duke nxitur një valë të katërt të virusit në vend.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.