Kroacia, Spanja, Italia dhe Holanda janë katër ekipet më të mira të këtij edicioni në Ligën e Kombeve.
Këto kombëtare kanë marrë vendet e para në grupet e tyre në Ligën A.
Katërshja u kompletua në mbrëmjen e kaluar, ku Spanja bëri atë që duhej bërë për ta rrëmbyer vendin e parë.
Në fakt, spanjollët patën përballjen vendimtare me Portugalinë në udhëtim, ku i duhej vetëm fitorja për ta marrë vendin e parë, derisa këtë pozitë mund ta mbante Portugalia qoftë edhe me një barazim.
Por, mysafirët arritën një fitore të vështirë me rezultat 0:1, ku goli i vetëm u shënua në minutën e 88-të nga Alvaro Morata.
Tani “Final Four” që do të zhvillohet në Holandë, do të hidhet short për ndeshjet, ku do të zhvillohen dy gjysmëfinale me 14 dhe 15 qershor të vitit të ardhshëm.
Humbësit e këtyre dy takimeve fillimisht do të luajnë më 17 qershor për vendin e tretë, ndërsa më 18 qershor do të luhet finalja.
💫 𝗧𝗛𝗘 𝗙𝗜𝗡𝗔𝗟 𝗙𝗢𝗨𝗥 💫
🇭🇷 Croatia
🇮🇹 Italy
🇳🇱 Netherlands
🇪🇸 SpainThe #NationsLeague finals are set! Who's winning it? 🏆 pic.twitter.com/rc33j7W96l
— UEFA Nations League (@EURO2024) September 27, 2022
Kujtojmë që në vitin e kaluar triumfoi Franca në Ligën e Kombeve, ndërsa në vitin 2019 trofeun e ngriti lart Portugalia.
Sa i përket rënies në Ligën B, ka befasuar Anglia, derisa përveç tyre ranë një kategori më poshtë edhe Republika Çeke, Austria dhe Uellsi.
Kurse ngjitjen në Ligën A e siguruan Skocia, Izraeli, Bosnja dhe Serbia.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Liburn Aliu e Naser Hafizi ia shlyen kompanisë “Fluidi” borxhin prej 3.5 milionëve për vetëm 13 mijë euro
-
Sulmet ndaj gjyqësorit nuk janë të denja për demokracinë, thotë ambasadori i BE-së
-
“Si gazetar rrezikoj jetën pasi jam në shënjestër, po largohem nga Gaza zemërthyer”
-
S’ka marrëveshje për dinarin, saga vazhdon javën tjetër
