Kompleti prej 13 vëllimesh “Anton Çetta” pjesë e koleksionit të Bibliotekës Shtetërore të Bavarisë
Kompleti prej 13 vëllimesh nga Anton Çetta, është bërë pjesë e koleksionit të pasur të Bibliotekës Shtetërore të Bavarisë, në Mynih të Gjermanisë.
Përmes një postimi në Facebook, Konsullata e Përgjithshme e Kosovës në Mynih, ka treguar se në mesin e 10 mijë librave me temë mbi Kosovën, tani studiuesit mund të gjejnë edhe këtë thesar të çmuar të trashëgimisë shpirtërore shqiptare të botuar nga Instituti Albanologjik i Kosovës.
Drejtori Gjeneral i kësaj biblioteke, Dr, Klaus Ceynowa, është takuar me Konsullin e Përgjithshëm të Republikës së Kosovës, në Mynih, z. Afrim Nura.
Në këtë takim ishte e pranishme edhe vajza e prof. Anton Çettës, znj. Agata Çetta, ideja dhe dëshira e të cilës për dhurimin e këtij vëllimi u realizua duke e përjetësuar kështu, në këtë bibliotekë të përmasave botërore, prof. Anton Çettën.
Po ashtu z. Nura tregoi se kërkesa e Konsullit të Përgjithshëm për bashkëpunim në mes të Bibliotekës Shtetërore Bavareze dhe Bibliotekës Kombëtare të Kosovës, nga Dr. Ceynowa është pranuar me kënaqësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kallëzimi i pabërë i Bardhit iu shit si sapun për djath italianëve
-
Serbia propozoi që strukturat ilegale serbe të financohen deri në krijimin e Asociacionit, thotë Bislimi
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje