Komisioni i Arbitrar i Federatës së Basketbollit të Kosovës pas mbledhjeve të mbajtura, ka vendosur që basketbollistit të Pejës Brandon Walters, t’iu hiqet dënimi për mos lojë në dy ndeshje.
Klubi basketbollistik Peja, kishte parashtruar një ankesë në FBK, lidhur me vendimet e Komesarit të Garave, pas incidentit të ndodhur në ndeshjen e pestë gjysmëfinale mes Ponte Prizrenit dhe Pejës.
KB Peja në Ankesë sfidon pikat 9 dhe 10 të Vendimit të Komesarit të Garave, që ndërlidhen me lojtarët Brandon Walters dhe AJ Walton, duke cilësuar veprimet e tyre si akte të vetëmbrojtjes, në përputhje me Nenin 13 të Rregullores Disiplinore të FBK-së.
Pas shqyrtimit të ankesës së klubit të Pejës, dhe video inçizimeve, Komisioni Arbitrar mori vendim që dënimi i Brandan Walters të anulohet, kurse ai i Aj Walton të mbetet në fuqi.
“Anulohet pika 9 e Vendimit të Komesarit të Garave Nr. 266 i datës 05.05.2021, përkitazi me z. Brandon Walters;
Mbetet në fuqi pika 10 e Vendimit të Komesarit të Garave Nr. 266 i datës 05.05.2021, përkitazi me z. AJ Walton”, thuhet në vendimin e Komisionit Arbitrar të FBK-së.
Pra, Walters do të mundë të paraqitet kundër Golden Eagle Yllit menjëherë në sfidën e parë të finales së “Play-offit” që do të zhvillohet këtë të premte, kurse Walton mund të luajë në ndeshjen e tretë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë