Si pjesë e strategjisë së tij të propozuar për të forcuar zonën Schengen, Komisioni Evropian u bëri thirrje vendeve të BE-sё të ndalojnë bllokimin e pranimit të Rumanisë, Bullgarisë dhe Kroacisë.
Komisioni Evropian zbuloi një sërë propozimesh të mërkurën që synojnë të përmirësojnë funksionimin e udhëtimit të lirë, në zonën Schengen.
Një kërkesë u dёrgua gjithashtu, që vendet anëtare të BE-sё të shpejtojnë pranimin e Rumanisë, Bullgarisë, Kroacisë dhe Qipros.
“Strategjia bën thirrje për përfundimin e zgjerimit të zonës Schhengen. Në këtë mënyrë Bullgaria, Rumania, Kroacia dhe Qipro do të mund të përfitojnë plotësisht nga Schengen-i”, thuhej nё dokumentin e titulluar “Drejt një zone më të fortë dhe më të qëndrueshme të Schhengen-it”.
Aderimi i anëtarëve të BE-sё në Schhengen vendoset nga Këshilli Evropian. Ai kërkon miratimin unanim të të gjitha qeverive të BE-sё mbi të.
Komisioni i bëri thirrje Këshillit Evropian të “vendosë mbi heqjen e kontrolleve për Bullgarinë, Rumaninë dhe Kroacinë dhe t’i integrojë ato në zonën Schengen”.
Ai tha se Bullgaria dhe Rumania “përfunduan me sukses vlerësimin e kërkuar në vitin 2010 dhe 2011”.
Komisioni tha se konfirmoi në tetor tё vitit 2019, se Kroacia “kishte marrë masat e nevojshme” për të përmbushur kushtet e kërkuara për t’u bashkuar me zonën pa kufij. Përfshirë ato për kontrollimin e kufijve të saj të jashtëm.
“Një zonë Schhengen më përfshirëse do të rrisë sigurinë për BE si një e tërë. Gjithashtu përmbush pritjen legjitime të këtyre vendeve për t’u bashkuar me Schhengen”, shkroi Komisioni.
Komisioni kërkoi po ashtu të njëjtin trajtim për Qipron “pasi të ketë përfunduar vlerësimin e kërkuar”.
Rumania dhe Bullgaria u bashkuan me BE-nё në vitin 2007.
Që nga ajo kohë atyre u është ndaluar vazhdimisht të bëhen pjesë e zonës së udhëtimit tё lirё. Vetoja ka ardhur nga vende si Franca dhe Holanda.
Qeveritë e tyre përmendën mangësitë e anëtarëve në luftën kundër korrupsionit dhe zbatimin e shtetit të së drejtës.
Ёshtë argumentuar se dobësi të tilla mund të rrezikojnë potencialisht aftësinë e Bukureshtit dhe Bullgarisë për të kryer detyra të anëtarëve të Schhengen-it, siç janë kontrollet e kufijve të jashtëm.
Pavarësisht nga anëtarësimi në BE shumë më vonë, në vitin 2013, Kroacia raportohet të jetë më afër pranimit në klubin e Schengen-it, pasi përparimi i saj në përmbushjen e kritereve të pranimit ёshtё pranuar nga anëtarët e BE-sё dhe autoritetet evropiane.
Ky lajm është marrë dhe përshtatur për BIRN nga Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Bislimi – për të përfituar nga fondet e BE’së – pranon të nënshkruajë marrëveshje ndërkufitare me Malin e Zi
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Jeffrey Donaldson jep dorëheqjen si lider i Partisë Unioniste Demokratike
-
BE: Zbatim i plotë i Marrëveshjes Bazë, pavarësisht votimit të Serbisë në KiE