Muaji qershor pritet të jetë totalisht muaji i Kombëtares shqiptare. Përveç ekipeve Kombëtare A, U-21 dhe U-19, që tashmë i kanë të konfirmuara ndeshjet e tyre, edhe Kombëtarja U-17 që drejtohet nga trajneri Ervin Bulku ka konfirmuar dy miqësore ndaj bashkëmoshatarëve të Kosovës.
Departamenti i Komunikimit në FSHF ka bërë me dije se dy federatat kanë rënë dakord për zhvillimin e këtyre dy ndeshjeve në datat 21 dhe 23 qershor.
Të dyja këto miqësore do të zhvillohen në stadiumin “Kukës Arena” në Kukës, me takimet që kanë orë të njëjtë nisje, 17:30.
Këto janë dy ndeshje mjaft të vlefshme për trajnerin Ervin Bulku dhe stafin e 17 vjeçarëve, të cilët që nga fillimi i vitit kanë zhvilluar disa seleksionime e grumbullime, me qëllim përzgjedhjen e elementëve më të mirë që do të përfaqësojnë Shqipërinë në Eliminatoret e Kampionatit Europian 2022/2023 ku shorti e ka vendosur Kombëtaren U-17 në Grupin 7 së bashku me Suedinë, Kroacinë dhe Uellsin.
Edhe këto dy miqësore do t’i shërbejnë stafit kuqezi për të parë në aksion lojtarët më të mirë, të cilët mund t’i vlejnë ekipit për në ndeshjet zyrtare të muajit shtator
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Izraeli, palestinezët dhe sauditët – Rreziku diplomatik i Biden për të riparuar Lindjen e Mesme
-
Pse Kurti nuk mori pjesë në tubimin e “VLEN-it” në Gjermani?
