Ministri i Turizmit, Blendi Klosi, të shtunën e 8 majit, në bregdetin e Shëngjinit, ka marrë pjesë në konferencën zyrtare të prezantimit të ‘UNUM Festival 2021”.
Ai u shpreh se, duhet të diskutohet me Komitetin Teknik të Ekspertëve nëse situata e pandemisë e lejon organizimin për të dytin vit, festivalin UNUM 2021.
“Duam ta kemi në kontroll pandeminë dhe të kemi mundësinë që, Komiteti i Ekspertëve të marri parasysh kërkesën e organizatorëve, që në Shëngjin të mbërrijnë një numër të konsiderueshëm të rinjsh dhe të kemi një festë post-COVID”, tha ai në fjalën e mbajtur gjatë konferencës.
Gjithashtu, theksoi se organizatorët kanë premtuar që, do të bëhet një testim për pjesëmarrësit.
“Shpresojmë që festivali UNUM të jetë një shenjë e fortë që ne ia dolëm, e menaxhuam këtë situatë të vështirë dhe jemi të gatshëm të hapim një sezon turistik të fortë”, deklaroi ai.
Ndërsa shqiptari nga Kosova, përfaqësues i ‘UNUM Festival 2021’ njoftoi se, deri më tani janë shitur rreth 6 mijë bileta.
UNUM Festival pritet të mbahet për të dytën herë, në zonën e quajtur Rana e Hedhun, në bregdetin e Shëngjinit. Këtë verë, për pesë ditë me radhë, në datat 3-7 qershor, ky festival premton të dhurojë emocione përmes ritmeve të muzikës dhe aktiviteteve kulturore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë
