Trajneri i Liverpool-it, Jurgen Klopp-i është ndalur të flasi rreth huazimit të Takumi Minamino-s. Japonezi u huazua gjatë këtij afati kalimtar merkatoje tek Southampton-i, për të fituar sa më shumë minuta.
Klopp-i ka shpjeguar vendimin e Liverpool-it për të huazaur Minamino-n, duke pranuar se nuk i dha shanse mjaftueshëm yllit japonez, që të shfaqte talentin e tij në Anfield.
Southampton-i pagoi 500 mijë paund për huazimin, si dhe kërkoi të drejtë blerje në fund të sezonit. Liverpool-i e nënshkroi 26-vjeçarin nga Salzburg-u, janarin e shkuar. 31 prezenca, katër gola dhe tre asiste me të kuqtë.
Klopp-i u shpreh rreth kësaj çështje:
“Takumi është lojtar tepër i mirë. Ne nuk i dhamë shanse të mjaftueshme, kjo është e vërteta”.
“E vetmja gjë që i mungonte, ishte të lunate disa ndeshje me radhë. Kjo ishte e vështirë këtu. Ne shohim shumë potencial tek ai”.
Minamino mund të bëjë debutimin me Southampton-in kundër Manchester United-it.
“Ai thjesht duhet të shijojë përsëri futbollin atje. Ai është një profesionist i jashtëzakonshëm, talent i madh, lojtar me të vërtet i mirë”-shtoi Klopp-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Bislimi: Propozimet e Serbisë s’i pranoi as Lajçaku
-
Franca kërkon të përdorë sistemin e mbrojtjes ajrore të Greqisë për Lojërat Olimpike
-
Deputetja e LVV-së i bën thirrje prokurorisë ta hetojë ministrin Aliu për skandalin rreth ambalazhuesve të ujit