Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës, Faton Klinaku, ka reaguar pas deklaratës së kryeministrit të Kosovës, Albin Kurti, i cili tha se listat e veteranëve duhet së pari të pastrohen, para gjetjes së një zgjidhje për të rritur pensionet kategorisë në fjalë.
Sipas Klinakut, Kurti e ka në dorë të gjithë pushtetin dhe rrjedhimisht ai mund t’i merre dosjet në prokurori e të fillojë t’i pastrojë listat.
Klinaku, ka akuzuar Kurtin për kryeneçësi për të mos ofruar zgjidhje për temën e veteranëve.
“Por, ke kujdes, mos e prek ligjin e tyre, e mos vazhdo me kryeneçësi se veç përplasje ke me pas me ta dhe nuk e kemi ndërmend që të ndalemi. Përgjegjësia do të jetë kryekëput e jotja”, ka thënë Klinaku.
Ndryshe Kurti, duke komentuar protestën e veteranëve të Ushtrisë Çlirimtare të Kosovës kundër ligjit për pagën minimale, ka thënë se para vlerësimit të duhur e meritor e material për veteranët, së pari duhet të ketë pastrim të listave të tyre.
Sipas Kurtit, veteranët e luftës meritojnë më shumë se sa një pagë minimale.
“Është e domosdoshme që njëherë ta kemi pikënisje të vërteten dhe më pastaj ta kemi vlerësimin e duhur. Ne e kemi trashëguar një gjendje kur janë fryrë padrejtësisht, gabimisht dhe dëmshëm listat me veteranët e luftës çlirimtare”, ka thënë Kurti.
Kurti, është sqaruar edhe për akuzat që po rëndojnë mbi të, se ky i fundit ka qenë veteranë i rrejshëm duke thënë se ai personalisht nuk ka marrë dhe nuk e ka ndërmend ta marrë kontributin e veteranit.
“Unë kamë punuar në zyrën e përfaqësuesit të përgjithshëm të UÇK-së, Adem Demaçit. Të gjithëve neve që kemi punuar aty, kolektivisht jemi regjistruar dhe me këtë rast, dua të theksojë se as kompensimi si ish i burgosur politik dhe as këtë për kontributin në luftën çlirimtare nuk e kam pasur dhe nuk e kam ndërmend ta marrë”, ka thënë Kurti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qeveria emëron Gentian Gjylin në krye të ARRSH pas arrestimit të Berberit
-
Sekuestrohen 7 vila në Mullet, 10 persona merren të pandehur nga Prokuroria
-
Komiteti i Përbashkët i Mbikëqyrjes Shqipëri-MB, Balla: Janë deportuar mbi 2 mijë shtetas shqiptarë
-
Kërkohet nga mbrojtja e Januzit, Bahtjarit dhe Shalës të dorëzojnë dokumentacionet për situatën financiare
Lajmet kryesore
-
Rama: Projektligji për Dhomën Ekonomike Kombëtare i vonuar, do të regjistrohen të gjitha bizneset
-
Komiteti i Përbashkët i Mbikëqyrjes Shqipëri-MB, Balla: Janë deportuar mbi 2 mijë shtetas shqiptarë
-
Përgjigja e Aleancës në frontin Lindor, njësi ultra-reaktive dhe 60 mijë burra të tjerë
-
PDK-ja voton kryesinë e re, Bedri Hamza emërohet nënkryetar