Së paku shtatë persona u vranë dhe shtatë të tjerë u plagosën në një sulm me thikë në verilindje të Kinës, transmeton Albanian Post sipas njofimit të medias shtetërore .
Sulmi në qytetin e Kaiyuan-it, në provincën Liaoning ndodhi jashtë një saune.
I dyshuari, i identifikuar nga media nga mbiemri i tij Yang u arrestua, ndërkohë që motivet se përse ndodhi sulmi mbeten ende të panjohura.
Ligji kinez kufizon shitjen dhe posedimin e armëve të zjarrit dhe për këtë arsye sulmet në masë përgjithësisht janë kryer me thika ose eksplozivë të përgatitur në mënyrë artizanale.
Autorët e sulmeve të mëparshme, në të kaluarën janë përshkruar si të sëmurë mendorë ose si njerëz që mbajnë inate ndaj shoqërisë.
Në një nga sulmet e mëparshme, roja i një shkolle plagosi së paku 39 veta në një kopësht fëmijësh në jug të rajonit të Guangxi, në qershor të këtij viti. Fajtori u dënua me vdekje.
Në vitin 2018, një burrë vrau një person dhe plagosi 12 të tjerë në një sulm me thikë, në një qendër tregtare në kryeqytetin kinez, Pekin. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë