Sipas raportit të Qendrës së Kërkimeve për Ekonomi dhe Biznes (CEBR) parashikohet që Kina, të jetë vendi me ekonominë më të lartë në rang global, në vitin 2028.“Menaxhimi i duhur i pandemisë” në Kinë dhe goditjet afatgjata ekonomike në perëndim kanë bërë që performanca e shtetit kinez të përmirësohet.
Kina shfaqet e vendosur për të pasur një rritje mesatare ekonomike prej 5.7 % në vitet 2021-2025. Sipas parashikimeve të CEBR-së, Kina do të bëhet fuqia më e madhe ekonomike në botë, në 2028-ën. Sipas raportit, rritja ekonomike e Shteteve të Bashkuara do të ngadalësohet me shumë gjasa në 1,9% gjatë viteve 2022-2024.
Sipas raportit, ekonomia japoneze do të jetë e treta në rang global edhe pse në vitin 2030 parashikohet të tejkalohet nga India. Gjermania do të kalojë nga vendi i katërt në atë të pestë.
Mbretëria e Bashkuar, e cila është aktualisht ekonomia e pestë më e madhe, sipas matësve ekonomikë të CEBR-së nga viti 2024 do të kalojë në vend të gjashtë.
Sidoqoftë, pavarësisht goditjes që Mbretëria e Bashkuar do të marrë në vitin 2021 dhe dalja nga tregut i vetëm i Bashkimit Evropian, prodhimi i brendshëm bruto (PBB) britanik parashikohet të jetë 23% më i lartë, se i Francës deri në vitin 2035.
Ka gjasa që impakti i pandemisë në ekonominë globale të krijojë një inflacion më të lartë, por jo në një rritje më të ngadaltë transmeton Albanian Post nga Financial Post./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com