Ambasadorja e Shteteve të Bashkuara të Amerikës (SHBA), Yuri Kim, ka reaguar të enjten e 4 shkurtit për sekuestrimin e pesë milionë eurove pasuri të sekuestruara në kuadër të dosjes 399. Laboratori i heroinës në Has është pjesë e dosjes 339. Ai është zbuluar në tetor të 2019-ës
Ky reagim i ambasadores amerikane erdhi një ditë pasi Gjykata e Shkallës së Parë për Korrupsionin dhe Krimin e Organizuar (GJKKO) vendosi të sekuestrojë pasuritë e 17-të pjesëtarëve në dosjen 399. Ata akuzohen si përgjegjës për laboratorin e heroinës në Brenovë të Hasit.
“Bazuar në informacionet e Angjencisë Amerikane të Barnave (DEA), Prokuroria e Posaçme (SPAK) ia doli me sukses të procedojë një grup të madh të strukturuar kriminal, që rezultoi me burgosjen e 17-të trafikantëve të drogës, si dhe me konfiskimin e pasurive në një vlerë 5 milionë euro. “Shpresojmë që SPAK-u të vazhdojë të japë rezultate”, ka shkruar Kim në Twitter.
Kujtojmë se më datë 1 shkurt 2021 përfundoi gjykimi në shkallë të parë i procedimit penal të të pandehurve të dosjes 339. Ata janë deklaruar fajtor për të gjitha akuzat e ngritura ndaj tyre.
Është vendosur konfiskimi dhe kalimi në favor të shtetit të disa pasurive të paluajtshme, shtatë automjeteve dhe një hoteli. Vlera e pasurive të konfiskuara dhe kaluara në favor të shtetit është rreth 5 milionë euro.
Në total pjesëtarët e grupit janë dënuar me 124.8 vite burg.
Rreth 182.5 kg heroinë u sekuestruan në laboratorin e Brenogës në Has. Dosjen e mori nën hetim SPAK me qëllim që të hetonte grupin kriminal të Shijakut, të kryesuar nga Avdylajt. Spak do të hetonte dhe lidhjet e tyre.
Admir Hoxha, një nga pjesëtarët ka marrë dënimin prej 12 vitesh burg. Altin Avdyli, një nga të dënuarit është dënuar me 6.8 vite burg. Hekuran Hoxha, i njohur si ”Roni i i Shijakut” është dënuar me 10.8 vite burg. Hoxha ka marrë dënimin më të rëndë. Admir Hoxha, një tjetër personazh kyç është dënuar me 12 vite burgim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Dialogu politik dhe çështjet rajonale në fokus të takimit Hasani-Milanoviç
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Favorizoi djalin e Tom Doshit – Reagon Policia pas pezullimit të shefit të qarkullimit rrugor në Lezhë
Lajmet kryesore
-
Dialogu politik dhe çështjet rajonale në fokus të takimit Hasani-Milanoviç
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Ku mund ta zhvendosë Hamasi degën e tij politike?
-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD