“Hetuesit e BKH-së po trajnohen. Reforma në drejtësi nuk është e thjeshtë, e shpejtë apo perfektë, por po lëviz përpara – edhe nëse të këqijtë nuk duan”.
Kështu është shprehur Ambasadorja e Shteteve të Bashkuara të Amerikës, Yuri Kim, pas kalimit të aplikimeve nga 28 kandidatë, për rolin e hetuesit në Byronë Kombëtare të Hetimit (BKH).
SPAK is prosecuting more, seizing assets & putting criminals behind bars; Const Ct is functioning; High Ct is hearing cases; vetting continues. NBI inspectors are training. Justice Reform not easy, quick or perfect, but it’s moving forward – even if the bad guys don’t want it to. https://t.co/rDkOG8pnR6
— Ambassador Yuri Kim (@USAmbAlbania) April 2, 2021
“SPAK po heton më shumë, po sekuestron asete dhe po çon kriminelët pas hekurave”.
Sipas ambasadores, Gjykata Kushtetuese është funksionale dhe ajo e Lartë po shqyrton çështje. Vettingu gjithashtu vazhdon.
Më 1 prill, Komisioni i Posaçëm i Verifikimit të Pasurisë dhe Figurës, mbylli verifikimet e kushteve të sigurisë për kandidatët.
Nga 37 aplikantë, vetëm 28 e kaluan këtë fazë. Tashmë ata do t’i nënshtrohen trajnimit përkatës. Më pas, vijohet me fazën e certifikimit.
Komisioni i Pavarur i Rishikimit monitoroi gjithë procesin. Ai është caktuar nga misionet e Qeverisë së SHBA-së dhe nga Bashkimi Evropian.
Një njoftim i dytë për 32 pozicione të tjera të lira, do të hapet në vijim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com