Khamenei kërcënon Izraelin me “ndëshkim të rëndë” për vrasjen e Haniyeh, shpall tre ditë zie kombëtare
Lideri suprem iranian, Ayatollah Ali Khamenei, ka shpallur tre ditë zie kombëtare, pas vrajës së liderit politik të Hamasit, Ismail Hanyeh, teksa ka kërcënuar Izraelin për pasoja të rënda.
“Izraeli do të marrë një ndëshkim të rëndë dhe të dhimbshëm”, ka thënë Khamenei në një reagim lidhur me çështjen.
Haniyeh, lideri politik i Hamasit, u vra rreth orës 02:00 me atë vendore të Iranit, ku një njoftim i grupimit terrorist Hamas, bëri me dije se “një sulm i pabesë izraelit” kishte goditur dhe kishte eliminuar drejtuesin më të lartë të tyre.
Detajet megjithatë janë edhe më ngashëryese, si për grupimin militant, ashtu edhe për vetë Republikën Islamike të Iranit, pasi është raportuar se Haniyeh është vrarë brenda një godine, e cila mbrohej nga Garda Revolucionare.
Haniyeh, Intifada dhe burgjet – Kush ishte shefi i Hamasit, që udhëhiqte luftën nga Katari
Nëse kjo vërtetohet edhe nga Irani vetë, atëherë do të ishte një goditje e shumëfishtë për Republikën Islamike.
Sipas korrespondentes së New York Times, Farnaz Fassihi, një emër tejet i besueshëm për raportimet nga Lindja e Mesme, zyrtarët iranianë janë krejtësisht të shokuar dhe të shastisur nga vrasja e Haniyeh.
Kjo, jo thjesht për shkak të impaktit që eliminimi i tij mund të ketë, por më tepër për faktin e vendit ku ndodhi dhe mënyrës, duke i dhënë një goditje shumë të madhe reputacionit të sigurisë brenda Iranit, në një kohë kur Teherani po kërkon të projektojë veten si një fuqi e madhe rajonale.
Çfarë ndodhi me Ismail Haniyeh?
Grupimi terrorist Hamas ka bërë me dije se lideri i saj, Ismail Haniyen, është eliminuar në Iran nga një sulm izraelit.
Në një deklaratë të lëshuar të mërkurën në mëngjes, Hamasi tha se Haniyeh u vra në rezidencën e tij në Teheran, gjatë një vizite për të marrë pjesë në inaugurimin e Presidentit Masoud Pezeshkian.
Grupi palestinez, që kontrollon Gazën, tha se Haniyeh “u vra në një sulm të pabesë sionist”.
Grupi tha se ai kishte marrë pjesë në ceremoninë e inaugurimit të presidentit të ri iranian Masoud Pezeshkian të martën.
“Lëvizja e Rezistencës Islamike Hamas vajton për popullin tonë të madh palestinez, për kombin arab dhe islamik dhe për të gjithë njerëzit e lirë të botës”, shtoi ajo.
Shumica e liderëve të Hamasit mbajnë një profil të ulët publik, ndërsa të tjerë kanë kaluar pjesën më të madhe të jetës së tyre duke iu shmangur tentativave për vrasje nga Izraeli.
Korpusi i Gardës Revolucionare Islamike të Iranit (IRGC) nga ana tjetër, ka shprehur ngushëllimet e saj pas vdekjes së Ismail Haniyeh në Teheran.
Një deklaratë e shpërndarë nga krahu i saj mediatik, Sepah news, tha se grupi po heton “shkakun dhe dimensionet e incidentit” dhe do të njoftojë rezultatin më vonë.
Ai shtoi se Haniyeh dhe një nga truprojat e tij ishin “martirizuar”.
IRGC është një forcë e madhe ushtarake, politike dhe ekonomike në Iran, me lidhje të ngushta me udhëheqësin suprem, Ayatollah Ali Khamenei.
Haniyeh ishte parë për herë të fundit publikisht në inaugurimin e presidentit iranian, Masoud Pezeshkian, të martën. Ai takoi presidentin e ri si dhe liderin suprem të Iranit, Ayatollah Ali Khamenei.
Raportet thonë se gjatë takimit, presidenti i tha udhëheqësit të Hamasit se Irani do të “qëndronte pranë popullit palestinez”, me Haniyeh duke falënderuar Iranin për “pozitën e tij të nderuar”.
Vizita në Iran për inaugurimin ishte paraqitja e fundit publike e Haniyeh.
Instituti i Washingtonit për Politikën e Lindjes së Afërt shkroi javët pas sulmeve të Hamasit të 7 tetorit, të jashtëm se “Hamasi nuk do të kishte qenë në gjendje të planifikonte dhe të kryente një operacion të tillë pa trajnime shumëvjeçare iraniane”.
Një zyrtar i lartë i Hamasit është zotuar se grupi do t’i përgjigjet vrasjes së Haniyeh.
Moussa Abu Marzouk e quajti bastisjen një “akt frikacak që nuk do të mbetet i pandëshkuar”, sipas kanalit televiziv Al-Aqsa, të drejtuar nga Hamasi.
Izraeli nuk ka lëshuar një deklaratë zyrtare për vdekjen e Haniyeh, por ka pasur reagime nga disa politikanë, si ministri i Trashëgimisë, Amichay Eliyahu, një anëtar i së djathtës ekstreme të Izraelit.
Ai shkroi në X se vdekja e Haniyeh “e bën botën një vend më të mirë”.
Eliyahu e nis postimin e tij në X, duke thënë nga jashtë: “Kjo është mënyra e duhur për të pastruar botën nga kjo fëlliqësi”, përpara se të vazhdojë të thotë “jo më marrëveshje imagjinare paqeje/dorëzimi, jo më mëshirë për këta të vdekshëm”.
Ai gjithashtu thotë se “dora e hekurt që do t’i godasë” do “të forcojë aftësinë tonë për të jetuar në paqe me ata që dëshirojnë paqen”.
Forcat e Mbrojtjes izraelite u kanë thënë ndërkohë disa mediave – përfshirë CNN dhe televizionin e lajmeve Agence France-Presse – se nuk do t’i përgjigjen raporteve të mediave të huaja për vdekjen e Haniyeh.
Vdekja e Haniyeh vjen vetëm një orë pasi Izraeli pretendoi se vrau komandantin e lartë ushtarak të Hezbollahut, një grup me bazë në Liban, i mbështetur gjithashtu nga Irani.
Izraeli tha se vrau Fuad Shukur në një sulm ajror, si hakmarrje për një sulm me raketa në Lartësitë Golan të pushtuara nga Izraeli në fundjavë.
Hezbollah mohoi çdo përfshirje në atë sulm – i cili vrau të paktën 12 njerëz, kryesisht fëmijë – dhe ende nuk ka konfirmuar se Shukur vdiq në sulmin në Bejrut.
Tensionet e fundit në kufirin verior të Izraelit kanë përshkallëzuar ndjeshëm frikën për një luftë të re në rajon.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
