Afër rekordit të ndeshjeve pa humbje deri te Burnley, thyhet rekordi i ndeshjeve rresht të humbura përballë Chelsea-s.
Liverpool pa shpirt, pa grint e definitivisht edhe pa motiv, rrëzohet për të herë të pestë rradhazi në “Anfield.
Këtë herë është Tuchel që fiton sfidën e stolit përballë Klopp-it, dueli gjerman në skajet e fushës.
Trajneri gjerman tani ka menaxhuar Chelsea-n për 10 ndeshje, nuk ka pësuar ende asnjë humbje dhe ka pësuar vetëm dy gola në këtë periudhë.
Chelsea ishte dominuese që nga minuta e parë.
Blutë e londrës shënuan në minutën e 24-të me anë të Werner, por goli u anulua pas rishikimit me VAR për shkak të offside.
Ishte Mount që pas një asistimi të bukur nga Kante, lëshoi një goditje të bukur nga vija e zonës, duke shënuar për 0-1.
Pjesa parë dhe e gjithë ndeshje përfundoi me këtë rezultat, me Liverpool që tani është mundur pesë herë rradhazi.
Ndeshjet tjera të ditës përfunduan me të njejtin rezultat, me Tottenham dhe Everton që fituan 0-1 si musafir të Fulham dhe WBA.
Fitorja e ngrit Chelsea-n në zonën Champions përkohësisht me 47 pikë, në pritje të ndeshjes së West Ham.
Liverpool mbetet në vendin e shtatë 43 pikë
Tabela e Premier League pas gjysmës së javës numër 27:
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
