Strategji të përbashkët kundër përpjekjeve të Serbisë për ta sfiduar Kosovën në mekanizmat parlamentarë evropianë, është kërkuar në takimin e së martës mes Kryetarit të Kuvendit të Kosovës, Glauk Konjufca dhe kryetarit të Grupit Parlamentar të Partisë Socialiste në Kuvendin e Shqipërisë, Taulant Balla i cili shoqërohej nga deputetët Anila Denaj, Arben Pëllumbi, Gerta Duraku, Benet Beci, Alqi Bllako dhe ambasadori Qemal Minxhozi me bashkëpunëtorët e tij.
Jemi një komb andaj kemi nevojë të jemi shumë më afër njëri-tjetrit për t`i përballuar sfidat që kemi përpara në raport me zhvillimet në Ballkanin Perëndimor dhe integrimet evropiane, ka deklaruar kreu i Kuvendit, Glauk Konjufca.
Në këtë takim është diskutuar edhe për konkretizimin e bashkëpunimit ndërparlamentar, ekonomik, kulturor, arsimor, si dhe domosdonë e thellimit të marrëdhënieve në të gjitha fushat e interesit të përbashkët.
Kryetari Konjufca ka falënderuar Shqipërinë për kontributin e madh për Kosovën duke theksuar se do të punojnë të dy vendet në intensifikimin e raporteve ndërparlamentare.
Nga ana e tij kryetari i GP të PS-së, Taulant Balla, premtoi bashkëpunim konkret në të gjitha nivelet, duke u shprehur se Shqipëria do të pozicionohet gjithherë në interes të faktorit shqiptar.
Kuvendi i Kosovës dhe ai i Shqipërisë duhet t’i shërbejnë heqjes së të gjitha barrierave eventuale burokratike, unifikimit të qëndrimeve karshi nismave rajonale dhe bashkërendimit të hapave në rrugëtimet integruese u tha nga bashkëbiseduesit, ku ranë dakord që të zhvillojnë takime më të shpeshta në mënyrë që t`i shërbejë forcimit të mëtejmë të marrëdhënieve ndërmjet Kosovës dhe Shqipërisë, thuhet në njoftimin e Kuvendit të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
‘Dorëzohet’ gjyshja, dorëzon pas një jave 3-vjeçarin në Durrës
-
Zbardhen emrat, mes të proceduarve për protestën para Bashkisë Tiranë edhe dy politikanë
-
Plagosja e gazetarit iranian në Londër, një prej autorëve mund të jetë shqiptar
-
Arrestohen 3 persona, pas trazirave me molotov përpara Bashkisë Tiranë
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Izraeli, palestinezët dhe sauditët – Rreziku diplomatik i Biden për të riparuar Lindjen e Mesme
-
Pse Kurti nuk mori pjesë në tubimin e “VLEN-it” në Gjermani?