Mesfushori kuqezi i Espanyol-it, Keidi Bare, ka pësuar një këputje të ligamentit të brendshëm në kyçin e këmbës së djathtë dhe do t’i nënshtrohet një operacioni këtë të premte.
Fieraku u dëmtua gjatë sfidës së Copa del Rey përballë Atletico Paso, tre ditë më parë, teksa këtë të premte kanë dalë përgjigjet e ekzaminimeve mjeksore.
Nuk dihet me saktësi sesa do të mungojë Bare, por një dëmtim i tillë mund të kërkojë mesatarisht gjashtë muaj kohë rikuperimi.
Ai ishte një pjesë e rëndësishme në skemën e trajnerit, Diego Martinez te Espanyol. Lojtari që sjell muskuj dhe përkushtim në mesfushën bardheblu. Bare ka luajtur dymbëdhjetë ndeshje këtë sezon në të gjitha garat.
Dëmtimi i Bares nuk shihet si problematik vetëm te Espanyol por edhe në Kombëtaren e Shqipërisë. Pasi humbën Armando Brojën, por për dëmtim në ligament, kuqezinjtë do të jenë pa dy yjet e tyre në ndeshjet e para kualifikuese për Euro 2024.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Italia, BE dhe SHBA dënojnë dhunën në protestën para Bashkisë së Tiranës
-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët
