Kane do të largohet nga Tottenham-i, nëse gjelat nuk arrijnë të kualifikohen në Champions League për sezonin e ardhshëm.
Për sulmuesin e Tottenham-it interesohen shumë klube, ndër të cilët Paris Saint-Germain.
Francezët do të bëjnë lëvizjen e tyre për Kane-n këtë verë, nëse Mbappe largohet nga klubi.
Real Madrid-i ka mundësi shumë të mirë që të transferojë Mbappe-n, që zgjidhje të parë i ka madrilenët nëse nuk rinovon kontratën me Paris-in.
Në rast se ky transferim kompletohet, Kane është zgjidhja e parë për PSG-në.
Ish-trajneri i Tottenham-it, Mauricio Pochettino, ka një marrëdhënie shumë të mirë me Kane-n, me klubin e tij aktual, që po monitoron nga afër situatën e anglezit.
Tjetra, është që shumë pak klube do të jenë në gjendje të paguajnë për Kane-n. Brenda klubit londinez besohet që Daniel Levy do t’ia caktojë Kane-it një çmim prej 150 milionë eurosh.
Problemi për Kane-n, ndryshe nga Mbappe, është se ai ka edhe tre vite të tjera nën kontratë me gjelat, çka e bën largimin e tij më të vështirë.
Preferenca e Kane-it
Përkundër interesit nga PSG-ja, sulmuesi dëshiron që të mbetet në Premier League.
Preferencat e tij të qarta janë dy klubet e Manchester-it, United dhe City.
City preferon një sulmues të ri, por nëse dështon pista “Haaland”, qytetarët do ta konsideronin Kane-n si një opsion.
Në anën tjetër, United-i janë tash e sa kohë admirues të kapitenit të Anglisë, por buxheti i tyre varet nga shitjet.
Një gjë është e qartë, me gjendjen e Tottenham-it në tabelë, Kane është me një këmbë jashtë Londrës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë