Kanada: Qeveria ka gati ligjin për “ngrirjen” e përdorimit të armëve

Qeveria e Kanadasë do të nxjerrë ligje për një ngrirje kombëtare të posedimit të armëve, për të penguar njerëzit t’i blejnë dhe t’i shesin ato kudo në vend.

“Ditën që ky legjislacion të hyjë në fuqi, nuk do të jetë më e mundur të blihen, shiten, transferohen apo importohen pistoleta në Kanada”, tha kryeministri Justin Trudeau.

Qeveria do të kërkojë gjithashtu që karikatorët me armë të gjata të ndryshohen përgjithmonë, në mënyrë që të mos mbajnë kurrë më shumë se pesë fishekë dhe do të ndalojë shitjen dhe transferimin e karikatorëve me kapacitet të madh.

“Përveç përdorimit të armëve të zjarrit për të shtëna sportive dhe gjueti, nuk ka asnjë arsye që dikush në Kanada të ketë nevojë për armë në jetën e tij të përditshme”, tha Trudeau.

Sipas një deklarate zyrtare nëse kalohet, ngrirja e armëve pritet të hyjë në fuqi në vjeshtë. Ministri i Sigurisë publike i Kanadasë kishte paraqitur ndryshime rregullatore në parlament për të siguruar që ato të mund të zbatohen me shpejtësi.

Vrasja e 19 fëmijëve dhe dy mësuesve në një shkollë fillore në Texas në Shtetet e Bashkuara ka ushqyer shqetësimin për dhunën me armë në mbarë botën.

Kanadaja tashmë ka kufizime dukshëm më të forta për zotërimin e armëve sesa fqinji i saj në jug.

Legjislacioni i ri, “Bill C-21”, propozon gjithashtu heqjen e licencave të armëve të zjarrit nga ata që janë të përfshirë në akte të dhunës në familje ose ngacmime kriminale, të tilla si ndjekja.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.