Juventus-i ka shënuar fitore të madhe ndeshjen e xhiros së 27-të në Serie A, duke e mposhtur Inter-in me rezultat minimal 0:1.
Goli i vetëm në këtë ndeshje erdhi në minutën e 23-të kur Filip Kostic me një goditje precize la të shtangur portierin e Inter-it, Andre Onana-n.
Në vazhdim, vendasit kërkuan vazhdimisht golin e barazimit, por ishte e pamundur ndaj një mbrojtje të fortë sikurse ajo e bardhezinjve.
Kostic 🤩🔥 pic.twitter.com/V3VIdLecMu
— Juventus News Live (@juvenewslive) March 19, 2023
Në pjesën e dytë ishte gjithashtu Inter-i që dominoi lojën, por në përgjithësi nuk pati raste shumë serioze për gol.
Me këtë fitore, tani Juventus futet në garë për një vend në Ligën e Kampionëve, pavarësisht se në këtë sezon iu hoqën 15 pikë.
Me këtë sukses, skuadra e Allegri-t ngjitet në vendin e shtatë me 41 pikë, shtatë më pak se vendi i katërt që mbahet nga Milan-i.
Ndërsa Inter-i mban vendin e dytë me 50 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
