Presidenti i Juventus-it, Andrea Agnelli, ndonëse ditën e mërkurë konfirmojë qëndrimin në krye të klubit, ditën e enjte mediat italine shprehen se ai është pranë largimit.
Corriere della Sera raporton se në rast largimi të Agnelli-t, në krye të Juventus-it, familja Elkann, që zotëron pjesën më të madhe të aksioneve, pritet të vendosi një tjetër kushëri të tyre, Alessandro Nasi-n.
Por, kush është Nasi?
Ai lindi në Torino dhe pjesën më të madhe të jetës e kaloi në SHBA, aty ku edhe u arsimua për ekonomi dhe u trajnua në Wall Street nga bankat Merril Lynch dhe JP Morgan.
46-vjeçari më pas u rikthye në Itali, duke punuar për bizneset e familjes. Ai është zëvendëspresidenti i Exor, që drejtohet nga John Elkann-i dhe drejtori i Giovanni Agnelli B.V me qendër në Holand.
Nasi mban një profil publik të rezervuar. Deri para se të zyrtarizonte lidhjen me Alina Seridova-n, ish-partneren e Gianluigi Buffon-it, ai ishte totalisht jashtë vëmendjes mediatike.
Me Nasi-n pritet të nisë një projekt i ri te Juventus-i. Largimit të Agnelli-t do i bashkohet edhe dyshja Fabio Paratici dhe Pavel Nedved. Si zëvendësues të tyre, pritet të afrohen David Trezeguet-i dhe Alessandro del Piero.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
