Jordi Alba luajti për 74 minuta në humbjen 0-3 të Barcelonës përballë Bayern Munich.
Mbrojtësi spanjoll lëshoi vend në fushë për debutimin e të riut Alejandro Balde.
Alba nuk kishte një paraqitje pozitive, duke gabuar shumë pasime dhe duke lëshuar terren në fazën mbrojtëse.
Mirëpo, pas ndeshje u zbulua se ai kishte qenë i sëmurë.
Para ndeshjes Jordi Alba kishte temperaturë 38.5 dhe diarre.
Sipas mediave spanjolle, futbollisti kishte vendosur së bashku me trajnerin që të ndërmernin rrezikun. Por, kjo nuk i ndihmoi katalunasve.
Madje, shumë tifozë të Barcelonës janë hedhur në sulm të trajnerit Koeman.
Disa nuk e kuptojnë pse trajneri holandez vendosi ta rrezikojë Alba-n kur ishte vetëm ndeshja e parë e grupit.
Alba do të mungojë në seancën stërvitore sot, por ai pritet të jetë i gatshëm për ndeshjen përballë Granada-s të hënën., edhe pse nga fusha doli duke çaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova