Jordan tregon përse e ka të pamundur t’i fshijë mesazhet e fundit nga Bryant

Jordan i ka ende të ruajtura mesazhet e fundit me Kobe Bryant në telefonin e tij.

Përkundër se kanë kaluar pothuajse 16 muaj nga vdekja e Kobe Bryant, vajzës së tij 13-vjeçare, Gianna dhe gjashtë shoqëruesve të tjerë, si dhe pilotit, pas një përplasje të helikopterit, ende mbetet akoma e vështirë të besohet.

Jordan ende nuk mund të flasë për Kobe-n pa u mërzitur, një emocion që nuk është shuar që kur ai foli në shërbimin përkujtimor të Bryant, në shkurtin e vitit të kaluar dhe qau haptas për humbjen e “vëllait të tij të vogël”.

Koha ka kaluar, por pikëllimi ka mbetur. Jordan pranon se ai kishte disa shqetësime se si do të ruante qetësinë e tij gjatë ceremonisë në shërbimin përkujtimor të Kobe Bryant.

“Po mendoja, në fillim, mund të isha disi nervoz për këtë, por pastaj kuptova se nuk do të jem nervoz për të treguar emocione për dikë që unë e dua absolutisht”, ka thënë Jordan.

Bryant, vetëm 41 vjeçar, bënte jetë të qetë dhe të lumtur pas pensionimit të tij, ai ishte përqendruar të kalojë më shumë kohë me gruan Vanessa dhe katër vajzat.

“Ishte shumë i lumtur”, thotë Jordan. “Po kalonte shumë mirë”.

Mesazhi përfundimtar me shkrim mes Bryant dhe Jordan, i datës 8 dhjetor 2019, tregon po aq.

“Kjo tequila është e mrekullueshme”, shkruante Kobe, duke iu referuar Cincoro Tequila të Jordanisë, një shishe e cila iu dërgua Bryant në lansim.

“Faleminderit, vëllai im”, u përgjigj Jordan.

“Po, zotëri. Si është familja?” – u përgjigj Kobe.

“Të gjithë mirë. Po ju?”

“Gjithçka mire.”

Jordan vendosi ta ngacmojë Kobe-n pasi ai po e trajnonte vajzën e tij, Giannan.

“Gëzuar festat,” i tha Jordan, “dhe shpresoj të dëgjohemi së shpejti. Traineri Kobe”

“Hej, trajner, unë jam ulur në stol tani, dhe ne po i shkatërrojmë këtë ekip. 45-8”, kishte shkruar Kobe.

11 ditë pas këtij shkëmbimi, Bryant mësoi se ai ishte nominuar zyrtarisht për “Hall of Fame” dhe 49 ditë më vonë vdiq.

Kobe ishte i njohur për personalitetin e tij kompetitiv dhe Jordan ishte shprehur se ajo ishte një nga gjërat që e respektonte më së shumti te Bryant.

Ishte një nga shumë cilësitë që ndanin të dy lojtarët. Të dy ishin të pamëshirshëm në vullnetin e tyre për të fituar, edhe pse shokët e ekipit herë pas here bëheshin viktima të atij intensiteti të nxehtë të lojës.

“Stili i tij i lojës ishte identik me stilin tim”, thotë Jordan. “Ai i qëndroi besnik atij stili dhe unë e respektoj atë.”

Më 17 dhjetor 1997, në United Centre, 19, vjeçari Kobe Bryant shënoi 33 pikë para idolit të tij, dhe Jordan i impresionuar, kërkoi ta shoh Bryant pas lojës për ta komplimentuar.

Bryant menjëherë filloi ta shqetësonte me pyetje në lidhje me lëvizjet e tij. Biseda ishte e shkurtër, por e ngrohtë. “Nëse ndonjëherë ke nevojë për ndonjë gjë, thjeshtë më telefono”, i tha Jordan.

Dhe ashtu siç tha Jordan, Kobe nuk ndaloi së telefonuari, nganjëherë edhe në orën dy të mëngjesit, për ta pyetur si të përmirësohet dhe për lëvizjet unike të Jordan.

Prezantimi i Bryant në “Hall of Fame”, së bashku me disa nga më të mirët e historisë që përfshin Tim Duncan dhe Kevin Garnett, u bë zyrtar me 4 prill, 2020.

Bryant kurrë nuk kishte mundësinë t’i drejtohet Michael Jordan për të parë nëse ai do të prezantojë atë. “Vanessa më pyeti sapo ai ndërroi jetë”, shpjegon Jordan. “Me gjithë sinqeritet, e dija që ai ndoshta do ta bënte. Isha ose unë ose Shaq, pasi ata fituan tre kampionate së bashku”.

Jordan thotë se rreth gjashtë muaj më parë ai i dërgoi Vanessës një tekst.

“Unë i thashë asaj, ‘shiko e di që është një kohë e vështirë. Unë jam gjithmonë këtu nëse ke nevojë për mua’”, thotë Jordan.

“Ajo u përgjigj: “Do të më pëlqente shumë nëse do të bëje fjalimin për Kobe-n në ceremoninë e “Hall of Fame”.

“Do të jetë një nder i madh. Është si të flas për një anëtar të familjes. Ai më dha respektin më të lartë duke u përpjekur të imitojë disa gjëra që bëra, dhe këtë mund t’ia kthejë vetëm duke treguar mbështetjen dhe admirimin tim për një djalë që ndjeva se ishte nga më të mirët që luajti sportin e basketbollit”.

” E gjithë përpjekja që ai bëri ishin nga puna e madhe dhe përkushtimi. Ai duhet të jetë një model i shkëlqyeshëm për shumë fëmijë që me 18 vjeç nuk duan të shkojnë në universitet, por duan të luajnë basketboll”.

“Ai u tregoi atyre se si bëhet dhe qëndrojë rezervë në stol për një kohë të gjatë para se të kishte shansin e tij. Njerëzit e harrojnë edhe këtë. Por kur mori mundësinë e tij, e shfrytëzoi atë”.

Jordan nuk do të ketë mungesë të materialit për të ilustruar madhështinë e mikut të tij. Janë pesë unazat, dy MVP-të e Finaleve, MVP-në e sezonit të rregullt dhe shumë arritje të tjera të Bryant. Gjatë përkujtimit të Kobe në Staples Center, Jordan i tha turmës së mbledhur, “Kur Kobe vdiq, një pjesë e imja vdiq”.

Ndoshta kjo shpjegon pse numri i Kobe-t së bashku me atë tekst përfundimtar, mbetet në telefonin e Michael Jordan.

“Nuk e di pse”, thotë ai, “por thjesht nuk mund të i fshij mesazhet me tekst të Bryant”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com